Spreuke – eenjaarleesplanSample

Vers 23 beskryf die harde werklikheid van die wêreld soos dit baie keer is, nie soos dit behoort te wees nie. Arm mense moet ligloop met wat hulle sê, want hulle is afhanklik van die guns van ander. Ryk mense probeer met ’n harde houding die onophoudelike versoeke om hulp, van hulle afweer. Vers 24: Kies jou maats met oorleg, want maats kan jou breek. Daar is egter ook vriende wat nader aan jou kan kom as wat ‘n broer is. Kies eerder een goeie vriend as baie vriende wat jou kan ruïneer.