Jesus se dade gee gestalte aan sy woorde. Reg deur sy lewe het Hy altyd in vriendskap uitgereik na die mense rondom Hom. Mense van verskeie agtergronde het gemaklik en welkom gevoel in sy geselskap. Of dit nou ‘n ryk openbare figuur was, soos Saggeus, melaatses wat in geforseerde afsondering gewoon het, of kinders wat eenvoudig op sy skoot wou sit, almal was tuis by Hom. Hierdie interaksies met mense het dikwels rondom etenstye plaasgevind, wat in die Midde-Ooste ‘n besondere intieme vorm van omgang met mense was.

Die Suid-Afrikaanse teoloog, Albert Nolan, skryf oor die impak wat daardie etes op dié sou gehad het wat saam met Jesus aan tafel was: “Omdat Jesus as ‘n man van God en ‘n profeet gesien is, sou hulle hierdie vriendskapsgebaar geïnterpreteer het as God se goedkeuring. Hulle was vir God aanvaarbaar.” So gee Jesus gestalte aan die Heilige Een se allesomvattende liefde wat ons elkeen omvou.

Ter Nadenke 

Memoriseer Johannes 15:5 vir hierdie week en laat God toe om daardeur met jou te praat.

Gebed

Here, laat my hart ontwaak tot U uitnodiging na vriendskap.

Die Boodskap vir jou Lewensreis

Daaglikse oordenking wat voortbou op die dag se tema