Posible bang maranasan ang kapayapaan kung ang buhay ay puno ng pasakit? Ang maikiling sagot: oo, subalit hindi sa ating sariling kakayahan. Sa isang taon na nag-iwan sa atin ng labis na kaguluhan, marami sa atin ang naiwan na may mga katanungan. Sa 7-araw na Gabay sa Bibliang ito, kasama ng serye ng mensahe ni Pastor Craig Groeschel, matutuklasan natin kung paano matatagpuan ang Nawawalang Kapayaan na ating hinahangad.

Nawawalang Kapayapaan

Kadalasan, ang mga pagdiriwang ay dumarating at lumilipas bago tayo magkaroon ng pagkakataon na ituon ang ating puso sa paghahanda para sa Pasko. And Adbiyento ay ating paraan ng pag-ala-ala na ang Diyos ay dumating upang makasama natin, nananatiling kasama natin, at muling babalik. Sa loob ng susunod na 5 araw, ating susuriin ang apat na tema ng Adbiyento: pag-asa, kapayapaan, pag-ibig at kagalakan. 

Paghihintay sa Pasko: 5-Araw na Gabay para sa Adbiyento

Ang Pasko ay dapat sanang panahon ng kagalakan - ngunit ano nga ba talaga ang kagalakan at paano mo ito pipiliin kapag ang mundo ay puno ng sakit at paghihirap? Tuklasin kung ano talaga ang ibig sabihin ng "joy to the world" sa pamamagitan ng pagbabad sa kuwento ng Pasko kasama nitong espesyal na 7-araw na Gabay para sa Pasko. 

Kagalakan: Isang Pagbibilang Hanggang Sumapit ang Pasko

Sa Isaias 9:6, nakita natin na si Jesus ay ang ating Kamanghamanghang Tagapayo, Makapangyarihang Diyos, Walang hanggang Ama, at Prinsipe ng Kapayapaan. Sa 5-araw na Gabay na ito, ipagdiriwang natin ang pagdating ni Jesus sa pamamagitan ng pag-aaral ng Kanyang iba't-ibang pangalan at kung paano natin ito magagamit sa ating buhay sa kasalukuyan.

Para sa atin: Pagdiriwang sa Pagdating ni Jesus

Ang Pasko ang panahon kung kailan natin inaasahan ang pagdating ng kalangitan sa ating maalikabok at maruming mundo. Ang Pasko ay ang panahon na nagpapaalala sa ating lahat na tunay ngang may nagaganap na mga himala, na ang mga panalangin ay natutugunan at ang kalangitan ay isang sagot lamang ang layo. Sa pamamagitan ng mga karanasan nina Maria, Jose, Zacarias at Elizabet, ng mga pastol at mga lalaking pantas, sinisiyasat ng debosyonal na ito ang kahalagahan ng unang Pasko at kung paano ito bumabagtas sa ating mga buhay sa ngayon.

Kaligayahan! sa Iyong Mundo! Isang Pagbibilang Hanggang Sumapit ang Pasko

Ito ang panahon upang magsaya, ngunit ito rin ang pinakamaraming gawain.  Halika na sa ilang sandali ng pahinga at pagsamba na magpapanatili sa iyo sa lahat ng maligayang paggawa ngayong panahon. Ayon sa librong Unwrapping the Names of Jesus: An Advent Devotional, ang limang araw na debosyonal na gabay na ito ay tutulong sa iyo upang matanggap ang kapahingahan kay Jesus ngayong Kapaskuhan sa pamamagitan ng pagtigil at pag-alala sa Kanyang kabutihan, ipahayag ang iyong pangangailangan, hangarin ang Kanyang kapayapaan, at magtiwala sa Kanyang katapatan.

Ang Lahat ay Mapayapa: Pagtanggap sa Kapahingahan ni Jesus Ngayong Kapaskuhan 

Tunay ngang ang pasko ang pinakadakilang kuwentong naisalaysay: patungkol sa perpektong katapatan, kapangyarihan, pagliligtas at hindi nagmamaliw na pag-ibig ng Diyos. Halina't maglakbay sa susunod na 25 araw upang tuklasin ang komplikadong plano ng Diyos para iligtas ang mundo mula sa kasalanan at ang mga pangakong natupad sa kapanganakan ng Kanyang Anak.

Adbiyento: Ang Paglalakbay Tungo sa Pasko

Ang kuwento ng Pasko ay sunud-sunod na sorpresa. Ngunit minsan, ang mga detalye ay nagiging pangkaraniwan na kaya't nawawalan na ng saysay. Ang maiikling pampanalanging debosyonal na ito ay tutulong sa iyo na manatiling malalim sa mga di inaasahan at mahalagang kaganapan sa kasaysayan: na ang Diyos mismo ay naging isa sa atin. Bawat panalangin ay iniakda ni David Mathis, ang ehekutibong patnugot ng desiringGod.org at pastor ng Cities Church sa Saint Paul, Minnesota.

Manalanging May Pagkamangha sa Pasko

Ang Adbiyento sa simpleng salita ay isang panahon ng inaasam na paghihintay at paghahanda. Samahan ang pastor at may-akda na si Louie Giglio sa isang paglalakbay tungo sa Adbiyento upang matuklasan na ang paghihintay ay hindi pag-aaksaya kapag naghihintay ka sa Panginoon. Samantalahin ang pagkakataong mabuksan ang napakalawak na pag-asa na inihahain ng paglalakbay tungo sa Adbiyento. Sa susunod na pitong araw makakahanap ka ng kapayapaan at pampalakas ng loob para sa iyong kaluluwa habang ang pag-asa ay umaakay patungo sa pagdiriwang!

Naghihintay Dito Para sa Iyo, Isang Adbiyentong Paglalakbay ng Pag-asa

Mayroong natatangi tungkol sa Pasko na nagpapalabas ng pinakamabuti sa ating lahat. Madalas tayo ay mas mabait, mas mapagbigay, at gumugugol ng mas maraming oras kasama ang mga taong mahal natin. Paano kung hindi ito kailangang magtapos sa Disyembre? Paano kung maaari nating ipagdiwang araw-araw ang Pasko?

Maligaya & Maliwanag: Pagdiriwang ng Pasko Araw-araw

Ang Pasko ay panahon ng lubos na kagalakan, na nagsasaad ng kapanganakan ni Jesus, ang ating Tagapagligtas. Maraming mga propesiya sa Biblia ng pagdating ni Jesus, at sa pamamagitan ng debosyonal na ito, titingnan natin ang pito sa mga pangalang ginagamit ng Diyos sa Banal na Kasulatan upang ipahayag ang Kanyang pagdating. Susuriin natin kung paano isinasabuhay ni Jesus ang bawat isa sa mga pangalang ito at kung paano ito naaangkop pa rin para sa atin ngayon tulad noong narito Siya sa mundo.

Ang Diyos ay Kasama Natin

Ito ang pinakamagandang panahon ng taon, ngunit madalas ay natatagpuan natin ang ating mga sariling nagsusumikap sa panahong patungo sa Kapaskuhan. Sa Paskong ito, ano kaya kung balikan nating muli ang pagkamangha? Sa 5-araw na Gabay sa Biblia na kasama sa serye ni Pastor Craig, ang The Gift, matutuklasan natin kung paanong ang tatlong kaloob na ibinigay kay Jesus ng mga matatalinong tao ay magdadala sa atin sa lugar ng pagkamangha at pagsamba ngayon.

Ang Kaloob

Sa isang tahimik na gabi 2,000 taon na ang nakalilipas, ang mga anghel ay may dalang balita ng kapanganakan ng Tagapagligtas sa isang pangkat ng mga pastol na nangangalaga sa kanilang mga kawan. At matapos marinig ang balita, iniwan ng mga pastol ang lahat upang hanapin ng isang sanggol sa isang sabsaban sa Bethlehem. Sa mga nagdaang taon, ang imbitasyon ay hindi nagbago. Samahan si Dr. Charles Stanley habang tinutulungan ka niyang lumapit sa Tagapagligtas at hinihikayat ka niyang magkaroon ng oras upang magpahinga sa pag-ibig ng Ama sa panahong ito. 

Paglalakbay Tungo sa Sabsaban

Ang bawat magandang kuwento ay may hindi inaasahang paglalahad—isang hindi inaasahang sandali na nagbabago sa lahat. Isa sa pinakamalaking hindi inaasahang paglalahad sa Biblia ay ang kuwento ng Pasko. Sa susunod na limang araw, tuklasin natin kung paano binago ng isang kaganapang ito ang mundo at kung paano nito mababago ang iyong buhay ngayon. 

Ang Kuwento ng Pasko

Ang debosyonal na ito tungkol sa adbiyento ay mula sa Thistlebend Ministries at para sa mga sa mga mag-anak o mga indibidwal, upang ihanda ang ating mga puso na ipagdiwang ang Mesias. Binibigyan-diin nito ang kahulugan ng pagdating ni Cristo sa ating buhay ngayon. Idinisenyo upang umpisahan sa ika-1 ng Disyembre. Nawa ay makalikha ng mga panghabang-buhay na alaala ang inyong mag-anak habang gamit ang gabay na ito upang makita ang matatag na pag-ibig ng Ama para sa bawat isa sa inyo.

Ang Pagdating: Si Cristo ay Parating Na!

Ang pinakamahalagang pangyayari sa kasaysayan ng mundo ay nang magkatawang-tao at manirahan sa atin si Jesus, ang Ilaw ng Sanlibutan. Ipinahayag ng mga anghel ang kanyang pagdating, may mga tulang naisulat, nagtakbuhan ang mga pastol, at si Maria ay umawit! Samahan ninyo kami sa limang araw na pag-aaral at pagkilala sa Kanyang liwanag—kung paano ito naging inspirasyon sa mga nakapaligid sa Kanya at ano ang epekto nito sa atin ngayon.

Ang Ipinangako

Sa dami ng kaganapan tuwing Kapaskuhan, karamihan sa atin ay nakakaramdam ng pagkapagod at pagkabalisa sa mga pakikipag-ugnayan sa pamilya, pangangailangan sa pananalapi, mabilis na pagpapasya, at kabiguan sa mga inaasahan. Kaya’t sige. Huminga ka. Simulan ang Gabay sa Biblia ng Life.Church at unawaing ang bigat na nararamdaman natin ay maaaring hindi hiningi ng Diyos na dalhin natin. Paano kaya kung bitawan natin ang bagaheng ito? Maglakbay tayo nang may kagaanan.

Magaang Paglalakbay

Para sa maraming tao, ang Pasko ay nagiging isang mahabang listahan ng mga dapat gawin na nakakapagod kaya ninanais nilang sana ay ika-26 na kaagad ng Disyembre. Sa serye ng mga mensaheng ito, nais ni Pastor Rick na tulungan kang alalahanin ang dahilan kung bakit ipinagdiriwang mo ang Pasko, at bakit dapat baguhin nito hindi lang kung paano mo ipagdiwang ang mga mahahalagang araw, kundi pati rin ang natitirang bahagi ng buhay mo.

Ang Pag-asa ng Pasko

Sa loob ng 12 araw, maglalakbay tayo sa pamamagitan ng kasaysayan ng Pasko at matutuklasan natin hindi lamang ang dahilan kung bakit ito ang pinakadakilang kasaysayang nalaman natin, kundi kung paanong ang Pasko ay tunay ngang para sa lahat! 

Noel: Ang Pasko ay Para sa Lahat

Kapag naririnig natin noon ang salitang Christmas o Pasko, agad-agad ay kasiyahan at excitement ang naiisip at nadarama natin – nguni’t biglang nagkaroon ng pandemya at sari-saring crisis sa Pilipinas at maging sa iba’t ibang bahagi ng mundo.  Malungkot ba ang Pasko mo ngayon? 

Layon ng Plan na ito na sa harap ng napakahirap na sitwasyon ay makita pa rin natin ang tunay na kasiyahan at kahulugan ng Pasko.

Christmas or Crisis-much?

Tila tayong lahat ay nangangailangan ng mahigpit na yakap, tunay na koneksyon, at isang bagay na kasiya-siyang ipagdiwang sa panahon ngayon. Dalangin namin na itong debosyonal na pang-Adbiyento ay magbibigay sa iyo at sa iyong pamilya ng pamamaraan na makipag-ugnayan, matuto tungkol sa tunay na kuwento ng Pasko, at ipagdiwang ang kapanganakan ni Jesus sa pamamagitan ng mga bagong tradisyon, kuwentong pang-hapunan, pag-uusap bago matulog, at gawaing pampamilya.

Nais namin sana na itong "yakap" ng Pasko ay magdala ng magagandang alaala sa iyong tahanan ngayong panahon ng Adbiyento!



7 Araw ng Kuwento ng Pasko: Isang Pampamilyang Debosyonal para sa Adbiyento

Ang kuwento ng ating Pasko ay nagsisimula sa pagpapahayag ng anghel kay Maria at nagtatapos sa pagbisita ng mga Mago. Sa mga pagninilay-nilay at aplikasyon ng salaysay ng Pasko ay kadalasang tinutukoy ko si Lucas, dahil ang aklat niya ang maraming binanggit patungkol dito sa lahat ng ulat ng ebanghelyo.

Mga Pagninilay sa Pasko

Dumating na ang isang bagong taon at kasama nito, ang mga bagong tunguhin at resolusyon na nais nating makamit. Lahat ay nagbago sa daigdig; gayunpaman, mayroon tayong parehong Diyos na makapangyarihan-sa-lahat na may kakayahang magbigay sa atin ng isang taong pinagpala. Sumali sa akin sa apat na araw na ito na tutulong sa atin na magsimula ng isang taon na may layunin.

Bagong Taon, Parehong Diyos

Huwag hayaan ang kaabalahan at kabagabagan ng panahon ng Kapaskuhan ay nakawin sa iyo ang kagalakan at tunay na pagdiriwang ng ating Tagapagligtas na si Jesus ngayong Disyembre! Tumanggap ng araw-araw na pampasigla mula sa natatanging Paskong debosyon ni Pastor Greg Laurie, sa kanyang pagninilay sa tunay na kahulugan nitong pinakaipinagdiriwang na panahon ng taon. Harvest Ministries with Greg Laurie

Paskong Pampasigla ni Greg Laurie

Milyun-milyong Cristiano sa buong mundo ang magdiriwang ng Pasko ngayong taon. Ang Adbiyento, isang magandang simbolikong pagdiriwang na humahantong sa Araw ng Pasko, ay isang malaking bahagi ng pagdiriwang ng Pasko sa maraming bansa. Habang binabasa mo ang kapana-panabik na Debosyonal sa Adbiyento na ito, magkakaroon ka ng pagkakataong sumali at magdiwang kasama ng iyong mga kapatid mula sa malalayong bansa at matuto mula sa kanilang kakaiba at makapangyarihang pananaw at tradisyon.

Liwanag ng Mundo - Debosyonal sa Adbiyento

Para sa ilan, ang Pasko ay oras ng kagalakan at pagdiriwang. Sa iba naman, ito ay isang mahapding paalala ng mga nawala. Kung anuman ang iyong nararanasan sa kapaskuhang ito, ang Pasko ay isang pagkakataon upang tumuon sa pinagmulan ng ating pag-asa. Inaanyayahan ka naming sumama sa mga kawani ng North Point para sa susunod na 25 araw upang magkasamang maranasan ang hiwaga ng Pasko. Sumali sa pag-uusap gamit ang #NPDevo.

Ang Hiwaga ng Pasko

Paparating na ang Pasko! Kasabay nito ang Adbiyento - ang paghahanda at pagdiriwang ng kapanganakan ni Jesus. Ngunit nawawala ba ang katotohanang iyon dahil sa abalang iskedyul sa Kapaskuhan, pamimili para sa perpektong regalo, o pagdiriwang ng mga pagtitipon ng pamilya? Sa patuloy na pagmamadali sa panahon ng Pasko, maranasan ang mga bagong paraan upang bumabad sa Salita ng Diyos, na sa huli ay mas magpapalapit sa Kanya. Gisingin ang iyong kaluluwa sa 4 na araw na gabay sa pagbabasa na ito mula sa Abide Bible Journals ni Thomas Nelson.

Manatili Kay Jesus - 4-na-Araw na Debosyonal

Pag-asa, pagmamahal, kapayapaan, kagalakan. Ang mga salitang ito ay madalas bigkasin sa mga panahon ng kapaskuhan, ngunit naaalala ba natin kung bakit?  Ang kuwento ng Pasko ay ang kuwento kung paano namagitan ang Diyos sa ating kasaysayan sa pamamagitan ng pagsilang ni Jesus. Ang buhay nina Maria, Jose, at ng mga pastol ay lubos na nabago ng kaganapang ito. Natagpuan nila ang pag-asa, pagmamahal, kapayapaan, at kagalakan; sama-sama nating tandaan kung paano, sa pamamagitan ni Jesus, mahahanap din natin ito. 

Pagsamba sa Panahon ng Adbiyento

Para sa marami, ang kapaskuhan ay panahon na puno ng kasiyahan, ngunit anong mangyayari kung ang kapaskuhan ay mawawalan ng ningning at maging mapanghamon dulot ng labis na kalungkutan o pagkawala ng isang mahal sa buhay? Ang espesyal na babasahing gabay na ito ay makakatulong sa mga nagdadalamhati upang makahanap ng ginhawa at pag-asa ngayong kapaskuhan, at ibabahagi nito kung paano magkaroon ng makabuluhang panahon ng kapaskuhan sa kabila ng pagdadalamhati.

Kirot ng Pagdadalamhati: Pag-asa para sa nalalapit na Kapaskuhan

Sa 12-araw na espesyal na debosyonal na ito, matutuklasan natin kung paanong ang Diyos ay gumawa ng paraan upang tayo ay maging bahagi ng Kaniyang pamilya habang tinatahak natin ang daan sa talaangkanan ni Jesus. 


Paskong Pampamilya: Isang Debosyonal para sa mga Bata

Sa Gabay na ito sa pagbasa, titingnan natin ang Isaias 9 at malalaman ang tungkol sa mga Pasko na ipinagdiriwang ni Corrie ten Boom noong kanyang pagkabata; bago ang panahon ng digmaan at sa kampong piitan Ravensbrück 1944. Sinulat ni Corrie ang tungkol sa mga Paskong ito sa 'Corrie's Christmas Memories' (1976).

Mga Alaala ng Pasko ni Corrie Ten Boom 

Napakalaking kaibahan ng ating karanasan patungkol sa himala ng Adbiyento depende sa kung paano natin iniaayos ang ating mga sarili sa panahon ng Pasko.

Magkaroon ng saloobing sumuko kay Jesus, muling tumutok sa Kanya, at yakapin ang biyaya ng ating Hari sa 4 na linggong pang-araw-araw na debosyonal na ito habang ikaw ay kumikilos sa limang magkakaibang postura: Nakapikit ang mga Mata, Nakatunghay, Nakaluhod, Nakabukas ang mga Kamay, at Nakabukas ang mga Braso.


Mga Postura sa Panahon ng Adbiyento: Isang Pang-araw-araw na Debosyonal sa Pasko

Sa lahat ng kaabalahan sa kapaskuhan, maaaring madaling mawala ang paningin sa kung bakit tayo nagdiriwang. Sa 5-araw na gabay para sa adbiyento, susuriin natin ang mga pangako na tinupad sa pamamagitan ng kapanganakan ni Jesus at ang pag-asa na mayroon tayo sa hinaharap. Habang natututunan pa natin ang tungkol sa kung sino ang Diyos, matutuklasan natin kung paano mamuhay sa buong panahon ng kapaskuhan na may pag-asa, pananampalataya, kagalakan at kapayapaan.

Nabagong Pamumuhay: Sa Pasko

Bakit ipinanganak si Jesus? Maaaring tila isang simpleng tanong, masyadong pamilyar na upang pag-isipan. Ngunit habang naghahanda ka para sa Pasko sa taong ito, maglaan ng oras para pag-isipan ang malalim na kahulugan at layunin ng kapanganakan ni Jesus para sa iyong buhay, at para sa buong mundo. Ang 5 araw na seryeng ito ay isinulat ni Scott Hoezee, at isang sipi mula sa Words of Hope na araw-araw na debosyonal.

Bakit Isinilang si Jesus

Ang tatlong-linggong gabay na ito ay nag-aakay sa atin tungo sa walang hanggang pagkamangha sa kung paano naparito ang Diyos sa pamamagitan ng Kanyang anak na si Jesus. Ang gabay ay idinisenyo upang magsimula sa isang Lunes upang ang bawat katapusan ng linggo ay magsama ng mas maikling nilalaman na nilalayon para sa pahinga at pagmuni-muni sa panahon ng kapaskuhan. Samahan mo kaming pag-aralan kung ano ang kahulugan ng kapanganakan ni Cristo para sa ating kinabukasan, kasalukuyan, at nakaraan.

Walang Hanggang Pagkamangha | Isang Gabay sa Pagbabasa para sa Pasko Mula sa New Life Church 

Sa 12-araw na gabay na ito para sa mga bata, mababasa mo ang tungkol sa regalo ng kapayapaan na nakukuha sa pamamagitan ni Jesus at kung papaano natin makakamit ang kapayapaang ito sa ating mga puso sa bawat araw!

Pasko Para sa Mga Bata: 12 Araw ng Kapayapaan

Ang mga huwad na diyos na inimbento ng sangkatauhan upang magbigay ng kahulugan sa isang diyos na alam nilang dapat na umiiral, ay, hindi nakakagulat, na katulad ng sangkatauhan. Kinailangan silang hikayatin at suhulan ng mga gawa ng debosyon upang mapansin tayo. 
Ngunit ang nag-iisang tunay na Diyos ang nagkusa at hinanap tayo––upang iligtas tayo pabalik sa Kanyang sarili. At iyon ang kuwento ng Pasko.


PASKO: Ang Plano ng Pagliligtas ng Diyos ay Nabatid

Isa sa maraming tradisyon sa Pasko para sa mga pamilya ay ang maglagay ng isang tagpo ng kapanganakan na naglalarawan ng pagsilang kay Jesus. Kadalasan, nakikita natin si Maria, si Jose, ang mga pastol, ang mga tupa, at ang mga pantas na nakapalibot sa isang maliit na sanggol sa sabsaban. Ito ay isang kaakit-akit na tagpo na nagpapaalala sa atin ng kapanganakan ni Jesus. Ngunit ang pagiging pamilyar sa atin ng tagpong ito ng kapanganakan ay maaaring magdulot sa ating makalimutan ang katauhan ng bawat isang nilalang na naroon nang espesyal na gabing iyon. 

Ang Tagpo sa Kapanganakan

Mga mahal na Ina, ang panahon ba ng kapaskuhan ay tila dumarating na puno ng pananabik at kaguluhan? Ang taon na ito ay maaring maging iba. Tuklasin ang kayamanan ng pag-ibig ni Cristo para sa iyong mga anak ngayong Pasko! Ang Adbiyentong Tirahan para sa mga Kabataan ay isang napakagandang debosyonal, kasama ang ilang mga Advent House printables para tulungang turuan ang iyong mga anak na buksan ang kanilang puso para sa Diyos at gawing makabuluhan ang inyong Pasko!



Adbyentong Tirahan ng mga Kabataan

Ang Pasko ay isang panahon upang ipagdiwang ang pinakadakilang regalo sa lahat, si Jesus. Ang pagsulyap sa kuwento ng inaasahang pagdating ni Cristo sa Pasko ay nagpapaalala sa atin na si Jesus ay Siyang naging katuparan ng mga pangako at katapatan ng Diyos. Ang lahat ng ating pag-asa at panalangin ay sinasagot sa presensya ni Jesus, ang Emmanuel, ang Diyos na kasama natin.


Ang Kaloob ng Pasko

Ngayong Pasko, balikan natin ang kuwento ng pagsilang ni Hesus, mula sa mga
aklat ng Mateo at Lucas. Sa bawat araw ng gabay na ito, mapapanood ang isang
maikling video ng mahahalagang bahagi ng kuwento.  

Ang Kapanganakan Ni Hesus

Maligayang pagbati sa 28-Araw na Advent Activity ng Thriving Family! Huwag palampasin itong oportunidad na ito para matuklasan ang totoong kahulugan ng Pasko at para mas maging malapit sa isa't-isa ang iyong pamilya! Ang mga gagawin dito ay nilikha para mas tumuon ang iyong pamilya kay Cristo sa panahon ng Pasko!

Pagbibilang ng mga Araw Bago Sumapit ang Pasko

Sa sikat na himnong Pamasko ni Charles Wesley na “Come, Thou Long Expected Jesus,” inaawit natin na si Jesus ang kagalakan ng bawat pusong nananabik. Ngayong Adbiyento, tuklasin kung paanong inilalantad ng banal na orkestrasyon ng mga kaganapang pantao at iba't ibang tugon sa Kanyang pagdating, ang pananabik ng ating mga puso. Mula sa mga hari at mga pinuno hanggang sa mga pastol at naghihintay na mga birhen, ang pagdating ni Jesus ay nagpapakita kung ano ang ating pinahahalagahan. Sa Kanya hanapin ang kagalakan ng iyong puso ngayong Pasko.
