Kutachika 2
2
1Nimawulu nimaseki ayimanishili kuyileŋa, niyuma yekalamu yejima.
2 #
Kwi 20:8-11; Heb 4:4 Hefuku damuchitanu nachiyedi, Nzambi wakumishili mudimu windi weliliyi; hefuku damuchitanu nachiyedi wanookeli kumudimu windi wejima weliliyi.
3Nzambi wakiswilili ifuku damuchitanu nachiyedi nkisu, yodijilika nikudijilika; muloŋa hefuku odu hohanookeliyi kumudimu windi wakuleŋa wejima weliliyi.
Adama naEva
4Yeniyi diyi nsaŋu yamawulu nimaseki hayileŋeluwu, mwifuku deliliyi Yehova Nzambi nimaseki nimawulu.
5Henohu hamaseki kanda dehi hekali nyitondu yamumpataku, niyisakola yamumpata kanda yibalukuku; muloŋa Yehova Nzambi henohu kanda anokeshi nvula hamasekuku, hikwadiŋi nimuntu wakudima hesekuku;
6ilaŋa mbundu yadiŋi nakukakumuka hamaseki, nakuzowesha hejima hahita iseki.
7Yehova Nzambi wawumbili muntu #3:19nalunkuŋu lwamaseki, woneni mumazulu indi #Yoba 27:3; Yil 17:25muuya wawumi, muntu hakwikala mumi.
8Yehova Nzambi watùmbili itempa kumusela, muEdeni; mwomwashiliyi muntu awumbiliyi.
9Yehova Nzambi wabalwishili hamaseki nyitondu yejima yikweti lubanji kuyitala, yayiwahi nikuyidya; #3:22; Chim 2:7; 22:2, 14nimutondu wawumi mukachi ketempa, nimutondu wakwiluka nachu niyayiwahi niyatama.
10MuEdeni mwafumini kaloŋa kakutwala menji mwitempa; kwenoku kaambukili hikakwila tuloŋa tuwana.
11Wakusambila ijina dindi Pishoni, yowu wahita nakunyeŋumuka mpata yejima yaHavila, diku kwekala wuru.
12Wuru wampata yina wawuwahi; kwekala nimalola alema wuseya atooka nieyila.
13Kaloŋa wamuchiyedi ijina dindi Gihoni, yowu wahita nakunyeŋumuka mpata yaKushi yejima.
14Kaloŋa wamuchisatu ijina dindi Hidekeli, yowu wahita kumbadi yaAshuri yakumusela. Kaloŋa wamuchiwana diyi Yufurati.
15Yehova Nzambi watweli muntu, yomusha nimwitempa daEdeni, nindi, Kadidimi, kadihembi chachiwahi.
16Yehova Nzambi wamulejeli muntu, nindi, Nyitondu yamwitempa yejima wukudya tuhu;
17ilaŋa mutondu wakwiluka nachu niyayiwahi niyatama eyi bayi wakawidyaku; muloŋa ifuku diwakadya chalala #Rom 5:12; 6:23; Yak 1:15wakafwa.
18Yehova Nzambi welili nindi, Hichinawahi iyala kushakama kankawinduku; nukumwilila #Yish 31:11nkwashi wamutelela.
19Yehova Nzambi wawumbili namaseki nianyama amumpata ejima, niatuda amuluzwizu ejima, wayitweli kudi muntu, atali mwakuyitumbayi majina; yuma yejima yikweti wumi, majina ejima ayitumbiliyi muntu, wowu majinawu.
20Muntu yoyitumba nikuyitumba majina, niayimuna ejima, niatuda amuluzwizu, nianyama amumpata ejima; ilaŋa hikwamwekeni nkwashi yamuntu wamutelelaku.
21Yehova Nzambi wamukamikili muntu tulu twatweni, wakamini tulu; hakumunona lubavu lwindi lumu, yowayakeshamu nicheŋi musunyi mulwadiŋi, la-a;
22lubavu olu lwafumishiliyi Yehova Nzambi mudi muntu watuŋili nachu #1 Kor 11:8mumbanda, hakumutwala kudi muntu.
23Kuchinka Adama nindi,
Iwu neli dehi ifwaha dami,
Neli dehi #Efw 5:28-30mujimba wami;
Akamutena nawu mumbanda,
Nanichi chanamufumishiyi mudi iyala.
24Dichi #Mat 19:5; Mak 10:7-8; 1 Kor 6:16; Efw 5:31chakushiyilayi iyala nitata yindi nimama yindi nakumukakela iŋodindi; niwena akekala wumu.
25Mwayedi wawu adiŋi nzekesi, niiyala niŋodindi, hiyatiyili nsonyuku.
Atualmente Selecionado:
Kutachika 2: MWW04
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
The Holy Bible in Lunda Ndembu © United Bible Societies, 2003.
