यूहन्ना परिचय
परिचय
यूहन्ना को माण्ढेड़ो चोखो समचार यूहन्ना को माण्ढेड़ा चोखो समचार म ईसु न्अ परमेसर का अमर बचन का रूप बतायो गियो छ। ज्यो “मनख रूप धारण करर आपणा बीच म रियो।” ई कताब म या बात पक्की छ क, यो चोखो समचार ई बजेसु लिख्यो ग्यो छ क, ईन्अ पढ़बाळा बस्वास करअ क, ईसु ई उद्धार देबाळो अर परमेसर को बेटो छ। अर वोई ईसु में बस्वास करबा सुं जीवन पा सक्अ छ। सरूवात म ईसु न्अ परमेसर का अमर बचन को रूप बतायो गिया छ। ई चोखो समचार का पेला भाग म सात अचम्बा का कामा का सेनाण का बारा म बतायो गियो छ। वासुं यो परगट होव्अ छ क, ईसु उद्धार देबाळो अर परमेसर को बेटो छ। दूसरा भाग म उपदेस छ। वाम्अ यो समझायो गियो छ क, अचम्बा का कामा को मतबल कांई छ। ई भाग म योबी बतायो गियो छ क, कस्यान लोगबाग ईसु प्अ बस्वास कर्या अर उंका गेल्ला म चालबाळा बण्या, जद्या दूसरा लोगबाग वांको बिरोध कर्या अर बस्वास करबा बेई नटग्या।
पाट 13 सुं 17 म ईसु न्अ पकड़ाबाळी रात को, ईसु खुदका चेला लार कस्यान को बेवार, अर सुळी प्अ चढ़ाया जाबा क पेली स्याम की टेम म चेला न्अ त्यार करबो अर वान्अ हिम्मत देबाळा बचना को बखान छ। आखरी भाग म ईसु न्अ पकड़यो जाबो अर मुकदमो, अर उन्अ सुळी प्अ चढ़ायो जाबो, गाड़यो जाबो, पाछो जी उठबो अर जी उठ्या पाछ्अ कस्यान चेला क्अ साम्अ परगट होबो अर ईका बारा म बखान छ। यूहन्ना मसी का अमर जीवन का दान प्अ जोर देव्अ छ। यो एक अस्यो दान छ ज्यो अबार सरू हेव्अ छ अर वान्अ मल्अ छ ज्यो ईसु का गेल्ला, सांच अर जन्दगी का रूप म मान्अ छ। आत्मा की बाता न्अ बताबा बेई वाका रोज की जन्दगी की चीजा का सेनाण न्अ काम म लियो छ।
रूप-रेखा
सरूवात 1:1–18
यूहन्ना बतिस्मो देबाळो अर परबु ईसु का पहला चेला 1:19–51
परबु ईसु का सेवा का काम 2:1—12:50
यरूसलेम नगर मं आखरी सक्ष्या अर जन्दगी देबो 13:1—19:42
मरया मंसुं फेरू जीवतो होबो अर चेला दर्सण 20:1–31
गलील परदेस म चेला न्अ दर्सण 21:1–25
Atualmente Selecionado:
यूहन्ना परिचय: डि एच डि
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
(c) 2010-2017, New Life Computer Institute. All rights reserved