Mateu 1
1
Jesus ramunyaita rera
1Asui kua papera umbeu sese kua Jesus Kristu, Davi rimiariru kua Jesus, asui Abraão rimiariru kua Davi.
2Abraão raira kua Izaki, Izaki raira kua Jaku, Jaku raira kua Judá, kuaita yuiri Judá imuita.
3Judá rimiriku kua Tamara asui tairaita kua Periz Zeraa yuiri, Periz raira Esirumi, Esirumi raira kua Arão.
4Arão raira kua Aminadabi, Aminadabi raira Nasumi, Nasumi raira kua Salmõ,
5Asui Salmõ raira kua Buazi irumu kua ximiriku Raabi, Buazi raira kua Ubedi ximiriku Ruti irumu, Ubedi raira kua Jese,
6Jese raira kua aintaruixawa Davi. Asui aintaruixawa raira kua Salumão irumu kua Uria ambira rimiriku.
7Asui Salumão raira kua Rubuão, Rubuão raira kua Abia, Abia raira kua Aza,
8Aza raira kua Juzafa, Juzafa raira kua Jurão, Jurão raira kua Uzia.
9Asui Uzia raira kua Jutão, Jutão raira kua Akazi, Akazi raira kua Ezekia,
10Asui Ezekia raira kua Manase, Manase raira kua Amom, Amom raira kua Juzia.
11Asui Juzia raira kua Jekunia imuita yuiri aintaruanyanaita aintaurasu irumu ainta Babilunia kiti.
12Asui aintaurasu rire ainta Babilunia kiti Jekunia raira Salatiel unaseri, Salatiel raira kua Zurubabel.
13Zurubabel raira kua Abiude, Abiude raira kua Eliaki, Eliaki raira kua Azuru.
14Asui Azuru raira kua Saduki, Saduki raira kua Aki, Aki raira kua Eliude.
15Eliude raira kua Eliazaru, Eliazaru raira kua Matã, Matã raira kua Jaku.
16Asui Jaku raira Juze imena kua Maria Jesus unaseriwaa isui kua aintauserukawaa Kristu.
17Asui katurzi aintauyumukiriarisawa Abraão rakakuera senundere unaseri kua Davi, asui katurzi aintaumukiriarisawa Davi rakakuera senundere aintaruanyanaita urasu ainta Babilunia kiti, asui katurzi aintauyumukiriarisawa aintaurasu rire ainta Babilunia kiti senundere unaseri kua Kristu.
Unaseri kua Jesus Kristu
18Kuiri hambeu penye arama maye unaseri umaa ara kua Jesus Kristu. Kuxima Juze upurandu kua Maria Jesus maya aramawaa, asui uriku imembira Espiritu Santu irumu tiramere Juze usasawa irumu.
19Purangawaa umanduarisawa kua Juze ape timaa uputari aintaumanduari puxuwera sese kua kunya, kuaita miraita, ape umanduari umuyuiri kua kunya isui uyumimisawa upe miraita sui.
20Asui umanduari pukusaware umuyuiri arama isui kua kunya yaneruixawa anju upuamu suaki ikerupiwaa upe umbeu ixupe:
—Inde Juze Davi rimiariru teresikie reyuka kua Maria nerimiriku aramawaa, nyãse Espiritu Santu uxariwaa kua taina imarika upe.
21Unaseri kuri isui kua imembira asui rexari kuri sera arama Jesus, nyãse umukaturu kuri imiraita aintapekadu sui.
22Usasawana panye kuaye umbeuwaa yawe yaneruixawa kuximare iyuru sui kua utitikawaa.
23Yawe umbeu, uriku kuri imembira kua kunya pisasuwaa nunkarewaa usasawa apigawa irumu, unaseri kuri imembira aintaumuseruka kuri ae Emanuel, yawesawa sera, yaneirumute Deus.
24Asui Juze upaka rire ikerupiwaa sui upuamu umunya kuaye yaneruixawa anju umbeuwaa yawe ixupe, asui uyuka kua kunya ximiriku arama.
25Maa timaa usasawa irumu kua ximiriku senundere unaseri isui kua imembira, asui uxari sera arama Jesus.
Atualmente Selecionado:
Mateu 1: BBp
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
