MAK TƐKAPƐSHƐNGA TI IYI NƐ ZWENI NU UTAKADA GA MAK
TƐKAPƐSHƐNGA TI IYI NƐ ZWENI NU UTAKADA GA MAK
Unabarɛ Ubiye Mak kwuni nu n-ndumwa ma ata mi hiɛŋ, unabarɛ ubiye iwɛ Jisus Krast Yɛu ya Agwatana. Ụsụbwa Jisus na namɛ nu utakada ga ụ shɛ ụsụbwa bɛnjɛ-bu-ugondu keeni bụtụ bu ụhwada. Ta kwụba ụhwada ata ubwa, ni imbisegeni ibwɛ, keeni ukpahiŋ ubwa na wa lasatagwụ atumwa-ibiri, keeni iwɛwɛ nɛ bee gengeni atwa. Ge Jisus ba duma iwɛ uhiuhiu ubwa maa ubwa shɛ Yɛu Bụtụ na peni uraiŋ ubwa iwɛ maa u gwube atwa ni iwɛwɛ ya aba.
Ga Mak ba duma unabarɛ Jisus ta 'yajɛ ikɛnyi nu ugondu ukpahiŋ na baa njɛ uhwuri n-ndumwa mu na baa jɛmɛ kwo kaa imbisegeni nɛ bee mbisegeni atwa. Na aba na tu baa jɛmɛ n-ndumwa mu Jon ubaptizim, nu ubaptizim na aa njɛ Jisus keeni tumanga tu bwa cwɛŋ, gunu ata ibɛ bi'nyeci bu utakada ga kwuni iwɛ ugondu tɛnɛnjɛ keeni imbisegeni nɛ ge Jisus njɛ la tụdụma. Ama gana na ta aka a ta tuhwulo, ibɛ po atwa na 'wa la Jisus a kaana bụ ti'eshicigo, ama tuba atwa-i'ime Jisus a kaana bụ ti'imo waa. Ohiuhiu ɛmɛwɛɛ utakada ga a duma iwɛ iyi nɛ vwutengeni la Jisus nu ulade ubwa umɛwɛɛ na baa namɛ la nu unyizo ga. Inɛɛ nɛ yaa duma duwa duwa, i shɛ iwɛ tutagana tu bwa nrɛ nụ ụ'wụ'wụ-ubatanɛ.
Ohiuhiu eyebi a na lɛ ekwunyi umɛwɛɛ nu unabarɛ ubiye ga unaa na aa jɛlaganɛ iyi, pa'ụtụ aba i shɛ maa binya bụtụ bu ko na namɛ swooŋ na Mak ubwa 'nyeci uŋ.
Tudwotwogonu to ohiuhiu utakada ga na:
Tukwuno tu Unabarɛ Ubiye ga 1:1-13
Ugondu na ge Jisus njɛ nu Galili nu ukpogwu kpataa 1:14—9:50
Ulade ubwa umɛwɛɛ tu baa namɛ nu Jɛrusalɛm keeni ofwo na dongonu Jɛrusalɛm 11:1—15:47
Tihiɛ ti Jisus nu u'uye 16:1-8
Tumomo mbisono tu bwa keeni tumungo tu bwa na aba na ti bɛɛ hiɛ 16:9-20
Atualmente Selecionado:
MAK TƐKAPƐSHƐNGA TI IYI NƐ ZWENI NU UTAKADA GA MAK: RBT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Rubassa Bible © Bible Society of Nigeria, 2008