Мәтта 5

Даннасинийа сәре чʼийе

1Чахе Иса әʼлаләт дит, һьлкʼьшийа чʼийе, рʼуньшт у шагьртед Ԝи һатьнә щәм Ԝи. 2Әԝи дәст бь һинкьрьна Хԝә кьр у ԝанрʼа гот:

Һинкьрьна бона хԝәзьлийа рʼаст

(Луԛа 6:20-23)

3«Хԝәзи ль рʼӧһʼфәԛира#5:3 Бь готьнәкә дьн: «Рʼӧһʼкʼәсиба», аԝа готи рʼӧһʼе ԝан һʼәԝще Хԝәде йә, бәр Хԝәде шкәсти нә. ,

чьмки Пʼадшатийа Әʼзмана йа ԝан ә.

4Хԝәзи ль һʼәзнийа,

чьмки бәр дьлед ԝанда ԝе бе һатьне.

5Хԝәзи ль шкәстийа,

чьмки әʼрде пʼара ԝан бә.

6Хԝәзи ль ԝан, кӧ тʼи у бьрʼчийе рʼастиԛәдандьне нә,

чьмки әԝе тʼер бьн.

7Хԝәзи ль дьлрʼәʼма,

чьмки әԝе рʼәʼме бьбиньн.

8Хԝәзи ль дьлпаԛьжа,

чьмки әԝе Хԝәде бьбиньн.

9Хԝәзи ль ԝан, кӧ әʼдьлайийе дькьн,

чьмки әԝе зарʼед Хԝәде бенә һʼәсабе.

10Хԝәзи ль ԝан, кӧ бона рʼастиԛәдандьне тенә зерандьне,

чьмки Пʼадшатийа Әʼзмана йа ԝан ә.

11Хԝәзи ль ԝә, гава бона наве Мьн ԝә беһӧрмәт кьн, бьзериньн у һәр щурʼә бӧхдан ль ԝә бькьн. 12Әшԛ у ша бьн, чьмки һәԛе ԝә ль әʼзмана гәләк ә. Бь ви щурʼәйи пʼехәмбәред кӧ бәри ԝә һәбун, зерандьн.

Хԝе у рʼонайи

(Марԛос 9:50; Луԛа 14:34-35)

13Һун хԝейа әʼрде нә. Ле һәгәр хԝе тәʼма хԝә ӧнда кә, паше әԝе бь чь тәʼме бьстинә? Иди ԝе кери тьштәки нәйе. Ԝе бьгьрьн бавежьнә нав дәст-пʼийа.

14Һун рʼонайа дьнйайе нә. Һәгәр бажарәк сәре чʼийе йә, найе вәшартьне. 15Кәсәк жи чʼьре венахә у накә бьне фьраԛе, ле датинә сәр пʼечʼьре, кӧ рʼонайе бьдә һʼәмуйед кӧ маледа нә. 16Ӧса жи бьра рʼонайа ԝә бәр мәрьва шәԝԛ бьдә, кӧ әԝана кьрьнед ԝәйә ԛәнщ бьбиньн у пәсьне Баве ԝәйи әʼзмана бьдьн.

Һинкьрьна бона Ԛануне

17Нәфькьрьн кӧ Әз һатьмә ньвисаред пʼехәмбәра у Ԛануне хьраб кьм. Әз нәһатьм кӧ хьраб кьм, ле ԝан һʼәмуйа биньмә сери. 18Әз рʼаст ԝәрʼа дьбежьм, бәри дәрбазбуна әʼрд у әʼзман, дәԛәк йан жи һʼәрфәкә бьчʼук жь Ԛануне ԝе тʼӧ щар ӧнда нәбә, һʼәта кӧ һʼәму бенә сери. 19Аԝа кʼи жь ван тʼәмийа йәкә һәрә бьчʼук хьраб кә у мәрьва ӧса һин кә, әԝе Пʼадшатийа Әʼзманада жь һʼәмуйа бьчʼуктьр бе һʼәсабе. Ле кʼи кӧ ԝана пек бинә у һин бькә, әԝе Пʼадшатийа Әʼзманада мәзьн бе һʼәсабе. 20Ләма Әз ԝәрʼа дьбежьм, һәгәр рʼастийа ԝә жь рʼастийа ԛанунзан у ферьсийа зедәтьр нибә, һун тʼӧ щар накʼәвьнә Пʼадшатийа Әʼзмана.

Һинкьрьна дәрһәԛа һерсе у меркӧштьнеда

21Ԝә бьһистийә кӧ пешийарʼа һатийә готьне: ‹Нәкӧжә!#5:21 Дәркʼәтьн 20:13; Ԛануна Дӧщари 5:17. Кʼи кӧ бькӧжә, диԝана ԝи ԝе бе кьрьне›. 22Ле Әз ԝәрʼа дьбежьм, кʼи сәр бьре хԝә һерс кʼәвә#5:22 Нав һьнәк дәстньвисарада аһа йә: «Кʼи кӧ щики бе сәбәб сәр бьре хԝәда һерс кʼәвә». , ԝе бьбә дәйндаре диԝане у кʼи бежә бьре хԝә: ‹Бе аԛьл›, әԝе бьбә дәйндаре диԝана щьвина гьрәгьра у кʼи кӧ бежә: ‹Ахмах›, ԝе бьбә дәйндаре агьре доже. 23Аԝа һәгәр тӧ һʼәдийа хԝә бини сәр горигәһе у ль ԝьр бе бира тә, кӧ дьле бьре тә жь тә майә, 24һʼәдийа хԝә ԝе дәре ль бәр горигәһе бьһелә у пешийе һәрʼә бьре хԝәрʼа ль һәв ԝәрә у паше ԝәрә һʼәдийа хԝә бьдә.

25Чахе нәйаре тә тә кʼаши щәм һʼакьм дькә, рʼеда тʼәви ԝи зу ль һәв ԝәрә. Һәгәр на, әԝе тә бьдә дәсте һʼакьм, һʼакьме жи тә бьдә дәсте бәрдәстийе хԝә у тә бавежә кәле. 26Әз рʼаст тәрʼа дьбежьм, тӧ жь ԝьр тʼӧ щар дәрнакʼәви һʼәта поле#5:26 «Пол» пʼәре һәри һур ә. пашьн нәди.

Һинкьрьна дәрһәԛа зьнекʼарийеда

27Ԝә бьһистийә кӧ һатийә готьне: ‹Зьнийе нәкә›#5:27 Дәркʼәтьн 20:14; Ԛануна Дӧщари 5:18. . 28Ле Әз ԝәрʼа дьбежьм, кʼи бь тәме хьраб жьнәке бьньһерʼә, әԝи дьле хԝәда иди тʼәви ԝе зьнекʼари кьр. 29Аԝа һәгәр чʼәʼве тәйи рʼасте тә жь рʼе дәрдьхә, ԝи дәрхә у жь хԝә бавежә. Бона тә һе ԛәнщ ә кӧ әндәмәки тә ӧнда бә, ле бәдәна тә пева нәкʼәвә щәʼньме. 30У һәгәр дәсте тәйи рʼасте тә жь рʼе дәрдьхә, ԝи жекә у бавежә. Тәрʼа һе ԛәнщ ә кӧ әндәмәки тә ӧнда бә, ле бәдәна тә пева нәкʼәвә щәʼньме.

Һинкьрьна дәрһәԛа жьнбәрʼданеда

(Мәтта 19:9; Марԛос 10:11-12; Луԛа 16:18)

31Әв жи һатийә готьне: ‹Кʼи кʼӧлфәта хԝә бәрʼдә, бьра кʼахаза жьнбәрʼдане бьдә ԝе›#5:31 Ԛануна Дӧщари 24:1-4. . 32Ле Әз ԝәрʼа дьбежьм, кʼи кӧ бе сәбәбийа ԛавийе жьна хԝә бәрʼдә, әԝ дьбә сәбәбе зьнекьрьна ԝе, һәгәр диса әԝ мер кә#5:32 Әв хәбәра «һәгәр диса әԝ мер кә» йунанида тʼӧнә. Әвана мәʼна зьнекʼарийе шьровәдькьн, чьмки әʼдәте щьһуйада изьна жьна мербәрʼдайи тʼӧнәбу диса мер кьра, һʼәта мере ԝе сах буйа. у кʼи кӧ йәкә мербәрʼдайи бьстинә, әԝ зьнийе дькә.

Һинкьрьна бона сонде

33Ԝә әв жи бьһистийә кӧ пешийарʼа һатийә готьне: ‹Дәрәԝ сонд нәхԝә у сонде хԝә ль бәр Хӧдан бинә сери›#5:33 Ԛануна Кʼаһинтийе 19:12; Жьмар 30:2. . 34Ле Әз ԝәрʼа дьбежьм, тʼӧ щар сонд нәхԝьн, нә бь әʼзмен, чьмки әԝ тʼәхте Хԝәде йә, 35нә жи бь әʼрде, чьмки әԝ щийе бьн пʼийед Ԝи йә, нә жи бь Оршәлиме, чьмки әԝ бажаре Пʼадше мәзьн ә 36у нә жи бь сәре хԝә сонд бьхԝә, чьмки тӧ нькари муки сьпи ки йан рʼәш ки. 37Ле бьра готьна ԝә бьбә ‹бәле-бәле› йан жи ‹на-на›. Жь ве зедәтьр жь мирещьн ә#5:37 Бь йунани хәбәр бь хәбәр аһа йә: «Жь йе хьраб ә». .

Һинкьрьна дәрһәԛа һʼәйфһьлданеда

(Луԛа 6:29-30)

38Ԝә бьһистийә кӧ һатийә готьне: ‹Чʼәʼв жь бәр чʼәʼвва, дьран жь бәр дьранва›#5:38 Дәркʼәтьн 21:24; Ԛануна Кʼаһинтийе 24:20; Ԛануна Дӧщари 19:21. . 39Ле Әз ԝәрʼа дьбежьм, мьԛабьли хьраба нәсәкьньн. Һәгәр йәк шәмаԛәке ль рʼуйе тәйи рʼасте хә, йе дьн жи бьдә бәр. 40У һәгәр йәк тә кʼаши бәр диԝане кә у бьхԝазә кьрасе тә жь тә бьстинә, пʼоте хԝә жи жерʼа бьһелә. 41У һәгәр йәки ԛӧльхеда зоре ль тә бькә, ԝәки километьрәке#5:41 Бь йунани хәбәр бь хәбәр аһа йә: «Миләк». Мила Рʼоме (Италйа) 1 478.5 метьр бу. тә бьбә, тʼәви ԝи дӧда һәрʼә. 42Бьдә ԝи, кʼи жь тә дьхԝазә у бәре хԝә жь ԝи нәгӧһезә, йе кӧ дьхԝазә жь тә дәйн бькә.

Дьжмьнед хԝә һʼьз бькьн

(Луԛа 6:27-28, 32-36)

43Ԝә бьһистийә кӧ һатийә готьне: ‹Һәвале хԝә һʼьз бькә#5:43 Әв рʼез «Һәвале хԝә һʼьз бькә» жь Ԛануна Кʼаһинтийе 19:18 йә. у бьжәнә дьжмьне хԝә›. 44Ле Әз ԝәрʼа дьбежьм, дьжмьнед хԝә һʼьз бькьн у бона ԝан дӧа бькьн, йед кӧ ԝә дьзериньн#5:44 Нав һьнәк дәстньвисарада аһа йә: «…бона йед кӧ ньфьрʼа ԝә дькьн, дӧа бькьн у хернәхԝазед хԝәрʼа ԛәнщийе бькьн». , 45ԝәки һун бьбьнә зарʼед Баве хԝәйи Әʼзмана. Чьмки Әԝ тәʼва Хԝә дәрдьхә һьн сәр ԛәнща, һьн жи сәр хьраба у баране дьбаринә һьн сәр рʼаста, һьн жи сәр нәрʼаста. 46Һәгәр һун ԝан һʼьз бькьн, кʼижан кӧ ԝә һʼьз дькьн, һуне чь һәԛ бьстиньн? Нә хәрщгьр жи ӧса дькьн? 47У һәгәр һун тʼәне сьлаве бьдьнә бьред хԝә, иди һун чь тьшти жь әԝед дьн зедәтьр дькьн? Нә пʼутпʼарьст жи ӧса дькьн? 48Аԝа кʼамьл бьн, чаԝа кӧ Баве ԝәйи Әʼзмана кʼамьл ә.

Atualmente Selecionado:

Мәтта 5: KmrNTC

Destaque

Copiar