Mateo 2:12-13

Iyan panguliꞌ na nira, pagdelem ipiyatagaynep it kanira it Ampuꞌang Diyus nga magꞌaat, daꞌsira na mamsag duꞌun it ki Herodes. Aypaꞌ ka duꞌun nat belag nga dalan i piyanawan nirat miyuliꞌ. Pagkagaring it mga mapipikir ngayti, nanagaynep si Jose. Tagaynep ya, miyabut i esang anghil it Ampuꞌang Diyus, nga magpaꞌa-paꞌaat it kanya, “Jose, magbangun kamu na, ka magliꞌid kamung lagi situ. Tabanen muy waꞌwaꞌ ngayan duwa magꞌinaꞌ baw malagyu kamu duꞌut Egipto. Baw ayaw kamut liꞌi-liꞌid duꞌun mintras ega pay aat kut imu, sabap ipatulus ni Herodes i waꞌwaꞌ ngaytu ka imatayen.”