Salamo 148
148
SALAMO CXLVIII - 148
1 # 148:1 Akapaapaa kotou ia Iehova. ALELU Ia. E akameitaki ia Iehova i te au rangi ra: e akameitaki kotou katoa, ko tei noo i runga ra. 2#Sala 103:20,21E akameitaki iaia, kotou katoa, e te au angela; e akameitaki iaia, ko kotou ravarai, e te au nuku nona ra. 3E akameitaki iaia, e te rā, e te marama: e akameitaki iaia, e te au etu mārama. 4#1 Ari 8:27; 2 Kori 12:2E akameitaki iaia, e te rangi o te au rangi ra; e ko kotou, #Gene 1:7e te au vai i rungao i te au rangi ra. 5Ko te reira te akapaapaa i te ingoa o Iehova; #Gene 1:1,6,7; Sala 33:6,9kua tuatua oki aia, e oti iora ratou i te angaia: 6#Sala 89:37; 119:19,91; Iere 31:35,36; 33:25Kua akamou oki aia ia ratou e kia mou e tuatatau ua atu; kua akaaiteite aia i te akonoanga e kare rava ratou e tatipake.
7E akameitaki ia Iehova i runga i te enua nei: #Isa 43:20te au taae o te moana ra, e te au ngai oonu katoa; 8Te ai, e te ua toka; te kiona, e te kou ra; te matangi uriia ra, #Sala 147:15-18e akatupu i tana ra tuatua; 9#Isa 44:23; 49:13; 55:12Te au maunga, e te au tuaivi katoa; te au rakau kai ra, e te au arezi katoa; 10Te au manu, e te au puaka ravarai; Te au mea totoro aere ua ra, e te manu peau; 11Te au ariki o te enua nei, e te tangata katoa; te aronga mana, e te au akava katoa o te enua; 12Te au tangata ou, e te au tamaine; te au tangata metua, e te au tamariki ra: 13Ko te reira te akameitaki i te ingoa o Iehova; #Sala 8:1; Isa 12:4tona anake ra oki te ingoa kia akateitei; #Sala 113:4tei runga roao tona kakā i te enua nei, e te au rangi ra. 14#Sala 75:10Koia i akateitei i te tara o tona tangata, #Sala 149:9koia tei akameitakiia e tona aronga tapu katoa; #Ephe 2:17koia oki tona ra au tangata akaperepere, te tamariki a Iseraela. #148:14 Akapaapaa kotou ia Iehova.Alelu Ia.
Atualmente Selecionado:
Salamo 148: CIMB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
The Holy Bible in Cook Islands Maori, Reprinted from the edition of 1888 © United Bible Societies, 1972.