Legic 12
12
Nalé biriaiguc méra mimac niŋac ʒéwelerec.
1(Legic galeŋawac; Dawidiac legic ʒéra.) Yawe méra némbésémaŋ. Eega héianʒac imi humuqaimaŋ ʒé wanʒac. Ic hélanéŋ ic onac sucgina igucnec qahac wammaŋ ʒé wanʒac. 2Ic ieneŋ ama momac hécgina ac ikoc waŋ énécmima kecanʒu. Ac haléc ʒéma qeriginanéŋ lukeŋ luha waŋu ac ʒéanʒu. 3Yawenéŋ haléc ac ʒéanʒu ionac kua taségina ʒéma séwi eŋeŋ ac ʒéanʒu ionac ezelaŋgina imi hericdacmac. 4Ieneŋ ezelaŋ ninanéŋ meseliwiŋ, kuanina imi neŋaŋ buŋa, imuac mérénéŋ neuŋ hia héi nénécmimac? Imuhuc ʒéanʒu, imuac niŋac imuhuc waŋ énécmiwésémaŋ.
5Yawenéŋ yomuhuc ʒézac; Ic mété qététaŋa, helanʒi mimia ʒéma ic maqeqeya ionac ʒésilacgina niŋac ni deguc yacma onagicma baec imuhucgeŋ me imuhucgeŋ kembiŋ ʒé niŋkumu wanʒu baec ʒéra béra qahac imuaru keŋ onopocmaŋ.
6Yaweac ackuaʒécnéŋ siliwa nomuŋ geric weŋweŋanéŋ hatac 7 ʒesolaŋaniyu hiaruyec ésécnec laclalac gocya qahac wanʒac. 7Yawe, ic imi hicŋisai yomi onac murunec demiŋ memina hémbénaŋa guac buŋa kecmac. 8Baec ic ionac sucginaiguc haka kai ʒiliweŋawac niŋgic eŋu ic biria imi baec séc lelecgéma keŋha wanʒu.
Haʒéchéra ionac murunec aŋgéŋa timac niŋac ʒéwelerec.
Atualmente Selecionado:
Legic 12: KGF
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2012, Wycliffe Bible Translators, Inc. All rights reserved.