Versículos Bíblicos Populares relacionados a Ma꞉tiyu 21

Compartilhar

Iyo, nanitabola, la꞉ Godoko nanitabokobi eba midinalo beda꞉ tanaloma꞉ ebe da꞉toweoma꞉ema, ebe tetelo la꞉le ebe tanalo kelaemamota.”

Ya꞉sute ibino tabo eba wiyalo negiya, “Na la꞉tamo nani tabo gemo, la꞉ tete bilibilinomolo Godoko nanitabokobi eba midinalo la꞉imano tepo magumulo woki netewama꞉ eda꞉oa꞉no, nale umei kewatamo keba kunu kosiyodilomo, la꞉le ebe atu tanalo osiyodiloma꞉ ka꞉modobomamota. Ega꞉walo la꞉ nanitabokobi midilo me damelatamo ma kunu degelaema, ‘A꞉ma꞉ kewa꞉ kolomamo na꞉toatepa!’ la꞉le ebe tanalo nanitabolo kuimamota.

Ebene piyate da꞉dopiya ega꞉walo Ya꞉sukono walogabo apune da꞉pelamitiya, iba꞉te kapimiya kawonomamo ma kunu gelitiya, “Da꞉ibidikono a꞉la꞉mu nadipata꞉la꞉! Godo, a꞉imano mailago da꞉pita, modobola a꞉ma꞉ ebe lumagi kawokobi na꞉midiye! O epala꞉, la꞉ Godoko moiolo unamo nadipata꞉la꞉!”

Ebene ebete iba꞉tamo negiya, “Godokono Bukalo tabo ma kunu bitana, ‘Naimano Moto epate Godoko Amamate Motoma꞉ kegelama꞉na꞉, la꞉le wiyasiya pilo epono motoma꞉ a꞉midimata.’”

“La꞉ Yelusalema epatamo na꞉negeliyala꞉, ‘Numa꞉la꞉, la꞉imano Kawo Elawodubute la꞉tamo pita. Ebete donoki-goeo unamo okolite milago pita, iyo, la꞉ numa꞉la꞉, ebete donoki da꞉pesago ba꞉pe.’”

Ya꞉sute iba꞉tamo negiya, “La꞉ dopamo Godokono Bukalo me tabo nanitabolo eka꞉la꞉mioliamata, ‘Moto etepiate iyabaiamo diyatiya, ebe alote wiyasiya motono elawo mabuma꞉ eda꞉na. Me tanalo Godote osiyodili, ebema꞉ aimano wokilo nanoanoutama꞉!’

“Ebema꞉ nale la꞉tamo negemo, Godote Kawo Elawodawama꞉ deda꞉na, ebe tanalo ebete la꞉godone puwatete piyagodolo wadewade nolo da꞉imi da꞉pola꞉na ebako epatamo gito kikalaemene.