Versículos Bíblicos Populares relacionados a Génesis 11

Compartilhar

Niꞌquimarahuaton, yonquirin: “Isopitaso inaquësáchin yaꞌhuatonaꞌ, ina nananquësáchin nonpi niꞌton, nani caniaritopi sacatacaisoꞌ. Poꞌpachinara, co incari tëranta nanitarinhuë atananpitacasoꞌ. Napoaton acopitacaso marëꞌ, paꞌmatëhua nonpiso anishatahuaꞌ. Ama huachi ninatanacaiso marëhuëꞌ, napotahuaꞌ,” tënin.

Ina quëran ninontaantapi: “Huëco chiníquën cancantatëhuaꞌ, ninano ocoiaꞌahuaꞌ. Ina nisahuatëhuaꞌ, aꞌna torinta piꞌiroꞌtëquë huarëꞌ nincaninso niahuaꞌ. Inapoatëhuaꞌ, sacóshin nahuinarihuaꞌ. Naporahuaton, co huachi itohua itohua yanquëcaso yaꞌhuaponhuëꞌ,” nitopi.

Inaquë chachin Siniorori, yaꞌipi piyapiꞌsa nonpiso anishatërin. Ina quëran chachin, yaꞌipi isoroꞌpaquë ayanquëërin. Napoaton ina ninanosoꞌ, Papiri itopi.

Pacon piquëran notohuaroꞌ piyapiꞌsa naꞌantapi. Naporoꞌ yaꞌipiya aꞌna nananquësáchin nonpi.

Napopirinahuëꞌ, Sinioroso oꞌmarin. Oꞌmarahuaton ninanoꞌ, tori, inapita nisapiso niꞌquimarin.

Inapotaton, Siniorori piyapiꞌsa itohua itohua ayanquëërin. Ninano nisapisonta aꞌporahuatonaꞌ, tananpitopi huachi.