Versículos Bíblicos Populares relacionados a 創世記 6

Compartilhar

就因為伊造人佇世間，感覺遺憾，心艱苦。

上主看見人佇世間犯罪真重，逐日的心思意念攏是邪惡，

只有 挪亞 得著上主的恩典。

下面是有關 挪亞 的記事。 挪亞 是義人，佇彼世代的人中間是純全正直的人； 挪亞 及上帝同行。

上主講：「我欲對世間剿滅我所創造的人，嘛欲消滅走獸、啲爬的動物，及飛鳥，因為我造𪜶了後感覺遺憾。」

人類佇地上人額愈加添，嘛有生查某子。 上帝的子看著人的查某子媠，就揀家己意愛的來做某。 上主講：「人既然屬會死的肉體，我的神就無欲永遠住佇𪜶內面，𪜶的歲壽會當到一百二十歲。」 上帝的子及人的查某子同房生子；對彼時起，世間就有大漢人，𪜶是古早出名的英雄。

挪亞 就攏照上帝的命令去做。

上帝對 挪亞 講：「我決定欲消滅所有的活物，因為𪜶的強暴充滿世間，我欲將𪜶及大地做一下毀滅。

你著用松柏柴做大船，船內隔房間，內外糊打馬膠。

上帝看世界攏敗壞，因為人佇世間的行做邪惡。

所有的活物，逐種一對，一隻公的，一隻母的，你著帶𪜶入大船，互𪜶及恁做夥保全性命。