Versículos Bíblicos Populares relacionados a MATIUS 24

Compartilhar

Ye maduk nde maduk erir lagu dogolir, akuni nakba-kaba eru mende dek arigin o. Etoma etarir waga kigik ogwe, akuni ta nen nomo yiluk pago dogogin enogo perak, idi erogo ndilkodagin o.

Nen, wene Pano Wene Ar Allah apma baurak mende ernogo, ir akuni o kuri dombok etoma, ir inaruk koluak nen yiluk, yorar lagwi kalok, o eta paga perak, o irep paga eti kenam arigin o.”

Kir nen, ye wim nde wim mbalek mende, agum ane yega kalok, inane yugun yemenaga kinaruk kolugun o, ogwe kinobade arugup o. Nenaluk, wene etoma obogar etarurak ake denek mende mban arar o. Ogwe, etoma irep paga yiluk, dek ar o.

Ir ap inalebunu ambi nen, ir ap inalebunu amberak inom wim akwi, Negara ambi nen, negara amberak inom wim abugun o. O kuri dombok etoma, nogado nggok ar wulka, lugur nggok mende eka, erigin o. Ogwe etoma obogar wene edoma, kwe elege il bagalek kener wari taga ndak-ndak arar o.

Mbogor inom, agar inom, obogar dek arigin ogwe, An Nane eti perak, mondok aitok arar dogogin o.

Nenaluk, ir akuni inendaga, An nendaga mende talogo ‘An Raja Endaga Nggok Ndilinakwa mende arar o!’ yiluk yugu dogolir, akuni pakalok nukerinabugun o.

Kir An mutnarek lagwi mende eti paga, o ya nda agar taga yoma, ir obogar nen ina'ir kungginakwi dogolir, kir pakbinagaluk anggin panggin ekinakwi, kinebe min kinakwi erugun o. O eta paga, akuni ebebar andarugwa mende, mi erogo mbo biluk, akuni nggedalogo bar nugwi, na'ir ka'ir nggok aga erigin o. Ap nabi-nabi ebebar dek mende pakalok kenam atuk, akuni pakalok nugurinabugun o.

Ar Yesus nen yoraga dogolir, “Kir nuker binagagunem, tuam pik pak mondok dogono o.

Eti ndak-ndak, kir ogwe tuam pikpak waku dogoni o. Nenaluk, Akuni Inakbur enogo warigin eti, kir kinakla yi paga warigin o yiluk, eberek dekma arar warigin o.

Kir mende Tuhan eti menda warigin yiluk, kir kinunggukde eti paga ma, tuam pipak waku dogoni o.

O hari nggi paga warigin, jam nggi paga warigin eti akuni obogar ninunggukdek o. Nen Ir malaikat mbogor paga mende eti, inunggukdek ar o, nen Ar Allah Akbur eti ogwe unggukdek ar o. Nen ilu mondok kwak eti, Ninombae adigar o.

Nenaluk, akuni ndilinakwa inenggal mende o, nabi-nabi inenggal mende o, inebe pakalok ar kenam arugun o. Tuguluk ir nen, akuni Allah akburi ane waganggwi mende nugurinabu paga, elalin erukbuk mende pakalok erugun o.

Nen Ar Akuni inakbur enogo waga paga eta, o elokte ap Nuh ekige etanogo talek arigin o. I tabu nggok utuk wagikdek kigik, akuni nen inagi inarom ninggik, kwe yikbigik wokbigik ekulagugwa o. Ir enogo ekwi mban dagik, ar Nuh enogo kapal akla unggirige o. I tabu enogo utuk, ir akuni yemenogo tebelinabik nen yiluk, yeger kigi nanggige, yogo etanogo nen perak, nena etari taga yiluk eti, inilu agage o. Etiar ma, Akuni Inakbur enogo waga paga, etegerogon ar etarigin o.