Versículos Bíblicos Populares relacionados a Yohanes 1

Compartilhar

Mar samua orang yang trima deng percaya pa Dia, Dia mo kase pa dorang itu kuasa for jadi Tuhan Allah pe anak-anak.

Dulu seblum ni dunia ada, Yesus tu ja bilang firman itu so ada. Dia itu da sama-sama deng Tuhan Allah, kong Dia itu no tu Tuhan Allah.

Yesus tu ja bilang trang itu, beking tu glap jadi trang, kong tu glap nyanda mampu mo se kala tu trang itu.

Dia yang ja bilang lei firman itu so jadi manusia, kong Dia tinggal di tenga-tenga pa torang manusia. Kong torang so lia tu Dia pe luar biasa, tu luar biasa yang Dia da dapa dari pa Tuhan Allah tu Dia pe Bapa, lantaran Dia itu Tuhan Allah pe Anak satu-satunya. Dia yang beking torang bole tau yang butul tentang Tuhan Allah deng tentang Tuhan Allah pe sayang pa torang.

Tuhan Allah yang da beking samua yang ada lewat Yesus tu ja bilang tu firman itu. Kong kalu bukang lewat Dia, nyanda ada yang Tuhan Allah da beking biar cuma satu. Tu firman itu yang da kase hidop samua yang ada, deng Dia lei tu trang yang se trang tu manusia pe hati supaya bole tau tentang Tuhan Allah.

De pe eso, Yohanes lia Yesus da badatang pa dia. Kong Yohanes bilang pa orang-orang, “Co lia, Dia itu tu Anak Domba Allah. Dia mo jadi korban for hapus manusia pe dosa, sama deng tu domba pe anak yang torang orang Israel ja se korban for hapus dosa.

Tu trang itu so ada di dunia ini, kong lewat Dia no Tuhan Allah da beking ni dunia, mar tu orang-orang di dunia nyanda kanal pa Dia. Dia datang pa Dia pe orang-orang sandiri tu orang-orang Yahudi, mar dorang nyanda trima pa Dia.

Kong tu trang yang sebenarnya, Dia itu no tu Yesus, Dia so datang ka dunia ini. Dia itu yang nanti mo se trang tiap orang pe hati supaya bole tau tentang Tuhan Allah.

Dulu dari pa nabi Musa, torang so trima tu Tuhan Allah pe atoran-atoran di kitab Taurat. Mar dari pa Yesus Kristus, torang bole tau yang butul tentang Tuhan Allah deng tentang Dia pe sayang pa torang.