Versículos Bíblicos Populares relacionados a MATIU 19

Compartilhar

Ge Jisus ngbaracɛ aŋ, bɛɛ hiɛŋ, Atwa eri shi a nda iŋ o, ama tuba kpaaŋ ibɛ zana Agwatana iwɛ tɛnda o.

A shɛ shɛ ya iyebi o, ama a shɛ ya ike. Iwɛ ecilo ata iyi elele nɛ Agwatana togwowo, kede bụtụ bogwu iŋ o.

Ge Jisus jishijɛ aŋ, bɛɛ hiɛŋ, Hi ta rɛcɛ shɛ suu maa Bụtụ na karɛ aŋ taa nu umozhigo, bɛ njɛ aŋ butubwenyi ne biyikwo? Bɛɛ hiɛŋ, Iwɛ ecilo ata butubwenyi ba ganga bishi bwa no bino bwa, maa togwu ne biyikwo bwa, ebe yebi ata zhɛ a sha ya ike.

Ama ge Jisus hiɛŋ aŋ, Ganga ma miaụŋ, ta lakana aŋ ma maa a zhajɛ pi mi o, iwɛnɛ ta Cɛnjɛ-ta-tugwama ta azuba tɛ shɛ ma tu ta atwa gana ga.

Ama atwa ofwugwo a na shɛ atwa ehiiŋ aba zhɛ a sha hwuŋ atwa umɛwɛɛ, atwa umɛwɛɛ tuba aba zhɛ a sha hwuŋ atwa ehiiŋ.

Kwo kaa bụtụ be elele na genji nhwaŋ, okwo miaụŋ-mo-bino, okwo angwụfwụ, okwo bishi, okwo bino, okwo biyikwo, okwo miaụŋ, okwo ntuma, iwɛ mi, bi zhɛ ba lashɛga hwuŋ ule ibɛ karɛ dipi-yebi, bɛɛ zhɛ kaa ba 'yaganana uraiŋ unyizo-nom.

Ge Jisus hiɛŋ bụ, Yaa shɛ aba jala maa shɛ bụtụ na teni cɛŋ, asha zhaga sanga iyi elele nɛ abi 'yajɛ, maa suji ukwuribi ata peni okofwo, nazhɛ zhajɛ n 'wa, nazhɛ ɛbi zhɛ ba 'yaga uduciya na azuba.

Ge Jisus jishijɛ bụ, bɛɛ hiɛŋ, Iwɛmbe po obu mo n hoŋtono iwɛ iyi ibiyee? Za bụtụ shɛ bụtụ bi biye o, semi bụtụ bu ko kiri. Yaa shɛ aba jala maa teni nu uraiŋ, asha untangana Onu-tupana.

Mo hi mbiso sasana maa, i zasa iwɛ maa irihende duri ni inyɛnu yo otulo i ci maa bɛzhɛgba teni na Cɛnjɛ-ta-tugwama ta Agwatana o.

Mo hi mbiso maa, bụtụ be elele na becinji biyikwo bwa ti yaa shɛ shɛ tuwɛle biyikwo ata ba nda, bee zeni biyikwo bi nya, asha tuwɛle du baa njɛ.

Ge Jisus hiɛŋ eseshi-iyi ubwa, Iwɛ-tɛkana Omo hi mbiso, i gwụmɛ maa bɛzhɛgba teni na Cɛnjɛ-ta-tugwama ta azuba.