Versículos Bíblicos Populares relacionados a Mateo 11

Compartilhar

Qauanaiua'a aÿim 'enauac da qoñiita mayi qanasamiitañi souaxat da qad'onataxanaxaqui qataq souaxat na qayi'aqui, nachi aÿim qami' ñimataxanaxaadeec.

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Qaq dam ÿachoxonaxala' mayi qami' sachilguete, damayi ÿataqta qaica ca lqalaic da qaÿachi, qataq dam qayi'aqui mayi qami' sachilguete ÿataqta huaÿoxootac da qaÿachi.

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Nachi so Jesús 'enapeco': –Qauesomiÿa, qau'aqtaxañiim qome ca Juan 'enauac nam qami' qauauañiichigui qataq nam qau'aqaichigui. Qau'axachiim camayi da na qaicaua naua l'ai'te, qalaq nlouec, qataq nam ñi'iidauo naua lchil, qalaq queuoÿapigui', qataq nam nchiga na l'oc, qalaq qaiÿouec da lalolaxa, qataq nam sa hua'aqa, qalaq ishit da hua'aqa, qataq na mashi ileu, qalaq nca'aleec qanqoÿin, qataq nam choxodaqpi, qalaq qai'axatem da n'aqtac mayi chigaqaigui da nca'alaxa.

Qaq cam ÿaÿaten da n'axaÿaxanaxac, qaq no'on da ÿataqta n'axaÿaxaachiguiñi.