Salmos 8

1Lue' Dios, Xránantu', zrente̱ naca Lau' du gabí'i xe̱zr la xu.

Zrendxa naca xel-la' szren chiu' ca xabáa.

2Bidu ca', ne bidu dxe'ene ca' dxelúl-labe' ca naca na.

Zúaquezu' lataj chawe' naga quebe xelezrín benne' ca'

dxeledábague̱' lue'.

Dxuzúa zriu' benne' dxeledábague̱' lue',

ne benne' dxelecuídene̱' Lue'.

3Gate dxenná'a xabáa da nunu' Lue',

ne beu', ne belaj ca', da ca' nuzú' cha chee̱ na,

4na' dxuche̱ba': “¿Ájazra naca bénneache, dxulaba lazru' chee̱ le̱'?

¿Ájazra naca bénneache, dxe'u gunne xue le̱'?”

5Be̱nu' le̱' látezdxa szren ca nacu' Lué'queze,

ne bzu' chee̱' xel-la' szren, ne xel-la' ba lá'ana.

6Be̱nu' dxenná bé'ene̱' xúgute̱ da ca' nunu'.

Xúgute̱ na bdeu' lu ne̱'e̱,

7zrila' ca', ne be̱zre ca',

ne xúgute̱ be̱ xixre' ca',

8be̱ zaj zua xrila, ne bela ca',

ne xúgute̱ da zaj zua na lu nísadau'.

9Xránantu', Dios,

szrente̱ naca Lau' du gabí'i xe̱zr la xu.

Atualmente selecionado:

Salmos 8: zat

Destaque

Partilhar

Copiar

Quer salvar os seus destaques em todos os seus dispositivos? Faça o seu registo ou inicie sessão

Versículos bíblicos populares de
Salmos 8