Matiu 1
1
Ualaualasi'a ta'ilusunu Iesua Kalaisiti
1Ioxe, ano'o nanasou Iesua Kalaisiti. Iesua anu ilusunu Teviti xe Teviti anu ilusunu Apala'amu.
2Apala'amu muxalixu Aisaki. La Aisaki muxalixu Iakovo. La Iakovo muxalixu Iuta xe tavimoÂvimou se'ila. 3Iuta muxalixu Pelesi xe Sela. Ilou ne neni'a Tamali. La Pelesi muxalixu Esiloni. La Esiloni muxalixu Lamu. 4Lamu muxalixu AminaÂtapu. La Aminatapu muxaÂlixu Nasoni. La Nasoni muxalixu Salimoni. 5Salimoni muxalixu Voasi. Nenu ne La'apu. La Voasi muxalixu Oveti. Nenu ne Luti. La Oveti muxalixu Iesi. 6Iesi muxalixu kingi Teviti. Teviti muxalixu Solomoni. Solomoni nenu e mitaula'i tei noxou Iulaia. 7Solomoni muxalixu Leavoamu. La Leavoamu muxalixu Avia. La Avia muxalixu Asa. 8Asa muxaÂlixu Ieosapati. La Ieosapati muxaÂlixu Iolamu. La Iolamu muxalixu Usaia. 9Usaia muxalixu Iotamu. La Iotamu muxalixu A'asi. La A'asi muxalixu Esekaia. 10EseÂkaia muxalixu Manase. La Manase muxalixu Amoni. La Amoni muxalixu Iosaia. 11Iosaia muxalixa'a Iekonaia oli'a tavimoÂvimou tamulu. No voxo ne Tavaviloni miua'ulixa'a Ta'isilaeli no anu oto mo milaixi'a so ikalavusu no xale lia noxi'a.
12Ioxe, mikalavusu ne Vaviloni xe ili'i la Iekonaia muxalixu Sealitieli. La Sealitieli muxalixu Seluvaveli. 13Seluvaveli muxaÂlixu Aviuti. La Aviuti muxalixu Eliakimi. La Eliakimi muxalixu Asoli. 14Asoli muxalixu Satoki. La Satoki muxalixu Akimi. La Akimi muxalixu Eliuti. 15Eliuti muxaÂlixu Eleasali. La Eleasali muxalixu Matani. La Matani muxalixu Iakovo. 16La Iakovo muxalixu Iosepu e Malia mulue. Ioxe, Malia ne mivo'onu ilie Iesua. Iesua ne tamitema ilemolu lexe Kalaisiti xo anu Itema so pamauli e Mosinge musosoÂvosou.
17Laso musoko'u noxou ApaÂla'amu xe mulu'e muxali noxou Teviti la lasilili 14. Xe musoko'u noxou Teviti mulu'e muxali no voxo loxo Ta'isilaeli mikalavusu ne Vaviloni la lasilili 14-la. Xe musoko'u no voxo mikalavusu xe mulu'e muxali no voxo loxo anu ane so Kalaisiti muxali la lasilili 14 kalumola.
Malia mivo'onu ilie Iesua Kalaisiti
18Ano'o a'alosou Iesua Kalaisiti lexe muvo'o axova. Nenu ualasie lexe Malia ne ane'i misosovosie so itaula'ixu Iosepu. La ilou ixolu ipita uao ia Malia opone xo Ulenu Laixe molu muxalixu mi ne. 19La itema e so mulue Iosepu ne mulavu lexe ane opone laso muxavutala lexe ilou itaula'i uasi. Ia anu ilixo noxou ulapu mo umasaxau so ulosie maila uasi. Laso anu mu'oxo lexe ulemolu mi ne noxi'a tamitema latala uasi, upilixine se'isisi.
20La Iosepu oponu utulu axonesi, xo la muai musaxi la angelou Tatananenge mupa noxou mo muvikalanu lexe, “Iosepu ilusunu Tevitio. Nano'e Malia so ngolou ngaxolu loxo semameni, na'ume uasi. Xo anu ane uxolu no opone ne anu molu noxou Ulenu Laixesi. 21La ane ivo'onu ilie mulu la nini namoxo'u lexe Iesua, xo anu ane so upamauline'i tamitemaou no anu susu noxi'a.”
22Mimi anene nene'axu vaikaÂlaou Tatananenge e muleÂmolu noxou polopetiou tatei aloxo 'o. 23“VuaÂnga vile ane ilai noxou mulu vile uasi la opone. Opone la ivo'onu ilie mulu la tamitema imoxo'u lexe Imanueli.” Uala ne laxu lexe Mosinge a uxolu noxinge 'o.
24Xe Iosepu mutulu laso mumuÂlinu vaikalaou angelou TatanaÂnenge ne. La muno'e Malia so semau mo ilou mixolu. 25Ia ilou iai uasi, mixolusi. Mixolu xo mo mivo'onu ilie ne la Iosepu mumoxo'u ualasou lexe Iesua.
Currently Selected:
Matiu 1: ATA
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Copyright 1999 New Tribes Mission, Sanford, FL 32771-1487