ና. ሜና. 14
14
በኢቆንዮን ከተማ የክርስቶስ አትርፎት ቶደም
1በኢቆንዮም ጳውሎስም በርናባስም ይፍትሜ ኸማ አይኹድ ይደመዶ ቤት ገፖም የክርስቶስ አትርፎት ተጨራ ኦዶም፤ በኽሜ የይኹዳም የአረማዊም ሰብ ብዘመና አመሮም። 2አናመሮ የይኹዳ ሰብ በዝ ጐፔቸ የቸነ የአረማዊ ሰብ ያትራክሶዮዌ ንሳሶዮም። 3ጳውሎስም በርናባስም በኽሜ ብዘ ከረ ቾኖም፤ ኽኖም ይእግዘር ቃር ደፈሮም ኦዶም፤ ታም ቃረና ውረሙ ቲብር መርኸትም ወግም በኽኖ ኧጅ ይትቾቴ ደረግ አበኖም። 4የከተማ ሰብ ጭን ዄቴ ተሻዶምታነ ናሰና ተይኹዳ ሰብ ናሰና ትእግዘር ናቸረነ ጋ ኸሮም።
5በኽም ያነቦ አረማዊም የአይኹድ ሰብ ታለቃና ጋ የጳውሎስም የበርናባስም ብምር ይወጎዮዌም ያትስቃየቦዮዌም አትባቶም። 6ኽኖም ዝኸታ በኻሮ አን ልስጥራንም ደርቤንም ይውርዮ የሊቆንያ ከተማ በኽም ዙርያ ባነቦ ገነ ሰከቦም ወሮም። 7በኽሜ የክርስቶስ አትርፎት ወኼ ወሬ ዩዶ ባነ።
ጳውሎስም በርናባስም በልስጥራም በደርቤም
8በልስጥራን ኧግረታ የረፈረ ምስ ቾናም ባነ፤ ትም ተትጨነ ስርም በግረታ ዌተ ኤር ሺባ ባነ። 9ዝም ምስ ጳውሎስ ቲዝረ ይሰሜ ቾናም ባነ፤ ጳውሎስ መርኬ ባረም አሸንምታነ ትም ተባሸታ ይተርፌ ያመረ ኸማ ጳውሎስ በኻረ አን፥ 10ቃረታ ከፈተም «ተገከር በግራኸ ም» ቧረንም፤ የረፈረም ምስ ፈተክ ባረም ተረሳም ውርውር ወበር ቀነሰም። 11ሰብ እንም ጳውሎስ የቾተን ዘንጋ ባሰቦ ግዝየ፥ ኽኖም ቃረና ከፈቶም በሊቆንያ ገነ አን «መሌካ ሰብ መሰሮም ወንዶም ይኔ ቸነቦም» ባሮም። 12የበርናባስም «ዝዩስ» ባረዊም፤ የጳውሎስም ንቃር የዝረ የኸሬ «ኼርሜን» ባረዊም። 13ተከተማና ውጤያነ የዘዮስ ይውሪ ቅሪነ ያር ስ ያጐጂ ማማም ወፌርም ወረጀ አቸነምታነ ተሰብ ጋ እማቴ በኽሮት የጳውሎስም የበርናባስም ኽትም ያመሎዌ ሸም።
14ይእግዘር ናቸረነ በርናባስም ጳውሎስም ዝኽ ዘንጋ ቢሰሞ አን ጅረና ትረተሮም ባኽሮት የሰቤ ኖጦም ቸነቦም። 15«አኹ ዝኸታ የንቃር ታመሮ? ይናም ያኹም ኸማ ሰብንደ፤ ይእና ዝኼ የቸነነ አኹም ዝኽ ጥጥ ሜና ቴትኹ፤ አፈር ተሰሜ ባርም በኽኖ ያነ እንም የፈጠረ ኧያም የኸረ ይእግዘሬ ትትዠፐሮኸማ የክርስቶስ ወኼ ወሬ ኑድኔኩዌው። 16እግዘር ተዝ ይፍቴ ይኹዳ አንኸሮ ሰብ በገገና ኤማ ያሮዌ ቸኖም። 17የኽርምታነ ት ሜራ የኸረ ታ ወኽረታ ይምሰለ ወኼ ሜና አምሮተታ አንቸ፤ ተሰሜ ዝራብ ባቦት ወኼ ወማ ያወ ወኼ ወክት አበናኹም፤ በሸረትም ንማኹ በሳሮት ሜናናኹም።» 18ዝም ቢብሮ ዳር ጳውሎስም በርናባስም በርቅ መራክስ ኽትም ኤያሪ ባሮም የሰብ ኸኖዮም።
19የይኹዳ ሰብ ጭን ተአንፆክያም ተኢቆንዮን ከተማም ቸነቦምታነ ኽኖም የሰብ አድዋነቦም የጳውሎስ ብምር ወከዊም፤ የተ መሰረኖም ሻቦም ተከተማ ውጤ አወጦም ቃሰበዊም። 20ቢኸርም በክርስቶስ ያመሮም ሰብ ኸበበዊም በቈሞዌ ት ቶጠቀወ መደር ተረሳም ከተማ ገፓም፤ በመረጋታ ተበርናባስ ጋ ደርቤን ከተማ ወረም።
ጳውሎስም በርናባስም በሶርያ ገነ ያነ አንፆኪያ ወትዘፐረና
21ጳውሎስም በርናባስም በደርቤ የክርስቶስ አትርፎት ወኼ ወሬ ኦዶምታነ የብዘ ሰብ በክርስቶስ ያምሮኸማ ባመነቦዮ አን በልስጥራን ከተማ በኢቆንዮንም ከተማ አለፎም አንፆክያ ከተማ ተዠፐሮም። 22በኽሜ ያመሮም ሰብ ባትቋምሮት ባመሮ ቈሞም ይረብሮዌ በምኽሮት «ይእግዘር መንግስት ንገባኔ ብዘ መከራ ተቀፐሮት ነረብንደ» በበሮት አትመሮም። 23በክርስቶስ ያመሮ ሰብ ባነቦ መደር እንም የቤተስን ባሪቅ ይኸር ሰብ ሸፐቶም። ጦሞም ጠሎት ታመነቦ አን ያመሮ ታ አደራ አቦዮም።
24ጵስያድያ ገነ አለፎም ጵንፍልያ ገነ ቸነቦም። 25በጴርጌን ከተማ ይእግዘር ቃር ቦዶ አን አጣልያ ከተማ ወሮም። 26በኽም አን ዝኽ የቾተበዊ ሜና ቃር ይእግዘር ፀጋ አደራ ያው ገነ አንፆኪያ በመርከብ ወሮም።
27አንፆክያ በሰኖ አን በክርስቶስ ያመሮ ሰብ ባት ደመዶዮምታነ እግዘርም ተኽኖ ጋ ኸረም የቾተን እንም አረማዊ ሰብ በክርስቶስ ያምሮዌ ኤማ የትከፈተሮ ኸማ ኦዶዮም። 28ኽኖም ክርስቶስ ታመሮ ሰብ ጋ ብዘ ከረ በኽሜ ቾኖም።
Atualmente selecionado:
ና. ሜና. 14: መቅጉ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão