KARARIADI 12
12
I Abram nikuiang u Mawu Ruata
1 #
Wuk. 7:2-3; Ibr. 11:8 Mawu nuhengetang si Abram, “Tintangte wanuau, walagheng u l᷊au wal᷊e ngi papa ngu, bou e'e tamaite sarang wanua ko sarung Daku itibo si kau. 2Ia sarung mangonggo si kau hintou ko maul᷊i dang i sire sarung makoa bangsa ko l᷊abo. Ia sarung mangal᷊amati si kau dang mukoa areng u tumeleng, hakiu i kau sarung makoa al᷊amati.
3 #
Gal. 3:8
Ia sarung mangal᷊amati apang taumata ko mangal᷊amati si kau
dang mangane apang taumata ko mangane si kau.
Dang ual᷊ing i kau
Ia sarung mangal᷊amati kaul᷊i u bangsa su dunia.”#12:3: Dang ual᷊ing i … bangsa su dunia; arako kaul᷊i u bangsa sarung mukahioro si Sia tadeau mangal᷊amati si sire kere Ia seng nangal᷊amati si kau.
4-5I Abram umurie pitumpul᷊ol᷊ima su taunge su tempo ngi sie nanintang u Haran, kere ko niparenta ngu Mawu si sie. I Abram nuwua sarang tana Kanaan singkahindo dingang i Sarai kawinge, l᷊au i Lot ana u tuaringe, dingang u patiku rarotong dang manga l᷊ang ko nikarea i sire su Haran.
Suapang i sire nurating u Kanaan, 6i Abram nul᷊iku wanua e'e sarang i sie nurating u kau maal᷊amati su More, tampa u pukakal᷊iomanengang su Sikhem. (Su tempo e'e tau Kanaan mborong ta natana su tana e'e.) 7#Wuk. 7:5; Gal. 3:16Mawu nutingkaandaghi watangeng-E si Abram dang nuhengetang si sie, “Seng i'i wanua ko sarung Daku ionggo su hintoungu.” Bou e'e i Abram nupararisi mesba simbau su se'e guna ngu Mawu ko seng nutingkaandaghi watangeng-E si sie. 8Bou e'e i sie nanurusi l᷊al᷊al᷊engange sarang timuhi, sarang tampa ko mawul᷊uri su simbuka ngu raki bou soa ngu Betel, dang nukoa kema su tal᷊oara u Betel l᷊au soa ngu Ai: Betel su simbuka ngu wahe dang Ai su simbuka ngu raki. Su se'e l᷊ai i sie nupararisi u Mesba dang nanumba Mawu. 9Bou e'e i sie sau nanurusi l᷊al᷊al᷊engange bou tampa simbau sarang tampa tuhue, nakoa sarang bahageang timuhi u tana Kanaan.
I Abram su Mesir
10Kateho su Kanaan ko pia kal᷊ahutung ko ta ikahabari, hakiu i Abram natamai lebe marau l᷊ai sarang bahageang timuhi, su soa ngu Mesir tadeau matana pai se'e sarang kasasusa e'e mal᷊iu. 11Su tempo ngi sie seng mul᷊umiu pusarang dang musumu su wanua ngu Mesir, i sie nangul᷊i si Sarai kawinge, “I kau kawingku, masidada. 12Boko tau Mesir makawua si kau, i sire sarung manika i kau ko kawingku bou e'e nal᷊ahe ia pateng i sire dang i kau pakawala wiahi. 13#Kar. 20:2, 26:7Mapiang i kau pangul᷊i i kau ko wawineku tadeau ia ipakawala wiahi dang koateng i sire pakapia ual᷊ing i kau.” 14Dang mang tingari, suapang i Abram nul᷊umiu pusarang dang nurating u Mesir, tau Mesir nakawua himoneu i Sarai ko masidada kahingang. 15Pira ngkatau pagawai ngu istana nakawua si sie dang nuhabari su ratu kirapa kasidadae kowawine e'e watu'u e'e i sie niwawa sarang istana ngu ratu. 16Ual᷊ing i Sarai, ratu nukoa si Abram kere'e kapiange dang nangonggo si sie manga l᷊ang, ghapang u domba l᷊au kambing, sapi keledai l᷊au onta.
17Kateho ual᷊ing u ratu nangal᷊a si Sarai, Mawu nupasongo ngu manga saki ko makatataku su ratu l᷊au su manga taumata ko su l᷊al᷊ung u istanae. 18Bou e'e ratu nukui si Abram dang nakina si sie, “Apa ko seng nikoa u si sia i'i? Nakurawe ta nihabariu si sie ko kawingu? 19Hakiwe i kau nuhabari si sie kowawine ngu dang nupakawala ngu ia nangal᷊a si sie nakoa kawingku? Enanang i sie, kawingu; al᷊ae dang dakoe tamai!” 20Ratu nangonggo u parenta su pirangkatau mul᷊al᷊ahal᷊ie, dang i sire nupasuwang i Abram bou soa e'e singkahindo dingang kawinge l᷊au patiku rarotonge.
Atualmente selecionado:
KARARIADI 12: PLT
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão