Génesis 8
8
1Ha Ñanderuete imandu’a Noe rehe, umi mymba ha opaite mymba saite rehe oĩva guive hendive pe barcoguasúpe; ha Ñanderuete ombou yvy ári peteĩ yvytu atã, oguejy hag̃ua ohóvo umi yeta.
2Ha oñemboty umi yenda kuára pypuku ha pe y araguigua opi avei.
3Ha 150 ára rire umi yeta oguejy mbeguekatu ohóvo yvy ape árigui.
4Ha pe barcoguasu opa’ã pe cérro ru’ã Ararat ári, pe jasy 7-hápe, pe ára 17 jave.
5Ha umi yeta oguejy ohóvo jasy 10-ha peve; pe jasy 11-hápe, pe ára peteĩháme, ojekuaa jevy umi cérro ru’ã.
6Ohasa rire 40 ára, Noe oipe’a pe ovetã ojapova’ekue,
7ha opoi peteĩ yryvúgui, ha osẽ pe yryvu, ha’e oho ha ou oikóvo ikãmba peve umi yeta yvy apére oĩva.
8Upéi opoi avei peteĩ pykasúgui, oikuaa hag̃ua umi yeta oguejypámapa yvy árigui.
9Ha pe pykasu ndojohúigui ipy rendag̃ua, ou jevy Noe rendápe, pe y ojaho’ipágui gueteri yvy ape. Upémaramo Noe ipojái ha ojapyhy pe pykasu, ha omoinge jevy hendive barcoguasu ryepýpe.
10Noe oha’ãrõve 7 ára, ha opoi jevy pykasúgui barcoguasu ryepýgui.
11Ha pe pykasu ou jevy hendápe pe ka’arúpe ha oguerúma ijurúpe peteĩ olívo rogue (hi’águi ojejapo acéite); upévo Noe oikuaáma umi yeta oguejypáma hague yvy ape árigui.
12Ha’e oha’ãrõve jevy 7 ára ha opoi jevy peteĩ pykasúgui, ha upéva ndouvéima hendápe.
13Ha Noe oguereko ramo 601 áño, pe jasy peteĩháme ha pe ára peteĩháme, umi yvy ikã jevy yvy apére; ha Noe oipe’a pe bárco técho ha oma’ẽ ha ohecha ikãmbamaha yvy ape.
14Ha pe jasy mokõiha, pe ára 27-hápe ikãmbaitéma pe yvy ape.
15Upéramo Ñanderuete oñe’ẽ Noéme, ha he’i:
16Esẽ pe barcoguasúgui nde, ne rembireko, nde ra’ykuéra, ha nde ra’ykuéra rembirekokuéra ndive,
17ha opaite mymbakuéra nendive oĩva, opaichagua guyra ha mymba saitéva ha opaichagua mymba otyryrýva yvy apére, reguenohẽmbáta nendive; ha toho hikuái yvy tuichakuére, toñemoña ha toñemboheta hikuái yvy apére.
18Upéramo Noe osẽ ha hendive ita’yrakuéra, hembireko ha ita’yrakuéra rembirekokuéra.
19Mayma mymba, ha opaite mymba otyryrýva yvýre ha guyrakuéra, opaite omýiva guive yvy apére osẽ joa hikuái pe barcoguasúgui.
20Ha Noe omopu’ã Ñanderuetépe g̃uarã peteĩ kuave’ẽmby renda ha ojapyhy opaite mymba ha guyra ipotĩva apytégui, oikuave’ẽ hag̃ua pe kuave’ẽmby renda ári.
21Ha Ñanderuete ohetũvo pe mba’e ryakuã asy, he’i ipy’apýpe: Namaldecimo’ãvéi pe yvy, kuimba’e ha kuñakuéra rehe; kuimba’e ha kuña py’apy opensa mba’evai rehe imitãrusu ára guive; ha nahundimo’ãvéima ichupekuéra ajapo haguéicha ko’ág̃a.
22Pe yvy oĩ aja pukukue, oĩva’erã: Ñemitỹ ha mba’e ra’ỹingue ñemono’õ, ro’y ha mbyry’ái, arahaku ha araro’y, ára ha pyhare.
Atualmente selecionado:
Génesis 8: ÑÑP2015
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.