Génesis 6
6
Yvyariguakuéra reko ivaipaite
1Ha ojehu oñepyrũvo kuimba’ekuéra oñemboheta hetavévo ko yvy apére, ha onace rire ichupekuéra heta tajýra,
2Ñanderuete ra’ykuéra ohechávo kuimba’e rajykuéra iporãitereiha, oiporavo ha oguenohẽ ijapytégui hembirekokuerarã umi oipotavévape.
3Upémaramo Ñanderuete he’i: Che Pytu Poraitéva noisãmbyhymo’ãvéi yvyariguakuérape opaite árape, añetehápe, ha’ekuéra to’o voínte; upévagui oikovéta 120 áño pevénte.
4Umi árape oĩ yvy apére kuimba’e yvate ha hete tuicháva (gigánte); upejave og̃uahẽ avei Ñanderuete ra’ykuéra oiko hag̃ua kuimba’e rajykuéra ndive ha omomemby ichupekuéra. Imembykuéragui oiko kuimba’e herakuã porã ha ipy’aguasuetéva.
5Ha Ñanderuete ohechávo yvyariguakuéra reko iñañaha ko yvy apére, ha opaite mba’e ipy’apýpe heñóiva guive mba’evai memeteha,
6upévare Ñanderuete ombyasy ojapo haguére Adan ha Évape, ha hasy asy ichupe ipy’apýpe.
7Ha Ñanderuete he’i: Ajukáta opaite kuimba’e ha kuña guive mymbakuéra peve, mbói guive guyrakuéra yvate ovevéva peve; ambyasy ajapo haguére ichupekuéra.
8Ñanderuete katu ipy’aporã Noe ndive.
Noe ojapo peteĩ barcoguasu (ygaguasu)
9Peichava’ekue Noe ha iñemoñarenguéra rekove: Noe kuimba’e heko porã ha heko potĩva’ekue hapichakuéra apytépe, ha oguatáva Ñanderuete ndive (Ha’e oipota háicha).
10Ha Noe ita’ýra mbohapy: Sem, Cam ha Jafet.
11Ha yvyariguakuéra oñemboheko vaipa Ñanderuete resa renondépe, ha pe yvy henyhẽte teko ñañágui.
12Ha Ñanderuete oma’ẽ yvýre, ha péina ápe yvyariguakuéra reko ivaipaite.
13Ha Ñanderuete he’i Noéme: Ha’éma chejupe ajukapataha opaite tekove oĩva guive yvy apére, iñañaitégui hikuái, ha péina ápe Che ahundipáta ichupekuéra ko yvy kóva reheve.
14Ejapo ndejupe g̃uarã peteĩ barcoguasu gofer yvyrágui; ha ejapo avei kotykuéra hyepýpe, ha asfáltope (vlékepe) emboty umi tábla pa’ũ hyepýguio ha okáguio.
15Ha péicha rejapóta: Pe barcoguasu ipukúta 131 métro, ha ipekue 22 métro, ha ijyvatekue 13métro.
16 Embotécho pe barcoguasu, ha iguýpe emoĩ ovetã (ijerekuévo) ha ijyvatekue 44 centímetro ha ijyke rehe remoĩta pe barcoguasu rokẽ; ha remoĩta pe kotyguasu (ipíso) iguyete peguáva, ambue hi’ariguáva ha mbohapyha katu hi’arieteguáva.
17Ha eikuaa porãke Che amboutaha amaguasu yvy apére, ajukapa hag̃ua ko ára guýpe mayma to’o ipytuhẽva guive; opaite tekove oĩva guive yvy apére omanombava’erã.
18Ha oñondive ñañemoĩta peteĩ ñe’ẽme, ha reikéta pe barcoguasúpe, nde, nde ra’ykuéra, ne rembireko, ha nde ra’ykuéra rembirekokuéra ndive,
19ha opaite mymba oikovéva guive remoingéta barcoguasúpe mokõi mokõime. Opaichagua mymbágui, peteĩ casal, ikatu hag̃uáicha oikove hikuái nendive.
20Umi guyra hekove ypykue ojueheguáva, ha umi mymba hekove ypykue ojueheguáva, ha yvy ape arigua mboikuéra maymáva hekove ypykue ojueheguáva, mokõi mokõime oikeva’erã nendive, ikatu hag̃ua oikove hikuái.
21Ha embyaty avei opaichagua hi’upyrã oje’útava, ha eñongatupa ikotypekuéra, ha péva ne rembi’urã ha hembi’urã avei.
22Ha Noe ojapopa Ñanderuete he’i hagueichaite ichupe.
Atualmente selecionado:
Génesis 6: ÑÑP2015
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.