मत्याल 28
28
येसु मल्स जीवा अरयह्तोग़
(मार्कल 16:1-8; लूकाल 24:1-10; योहन 20:1-17)
1पोल्वादिया मारतस्के, वारमता मुनेता दिया (इतेके ऐतारम दियाते),#बळयिर 20:7; 1 कुरिंततोर 16:2; तोहचीतव पोल्लोङ 1:10 पंङवियतस्के मग्डला नाटेनद मरियालि, ओसो ताना ऐंगेतद दुस्रा मरियालि, इवु गुमयातुन ऊळलाह अताङ. 2अस्के ऊळाट, इळ्ता बूम पका मेलियता, बाराह्क इतेके देवतुलि देवुळदीपताहि रेगिसि, अद तिळ्ह्प कीस मतद बंडातुन ओर्केडके दोबिसीता, अह कीस ताना पेटळ उदता. 3अद देवतुलि किस-उळ्मलेह्का मांजिंदु, ओसो तानाङ गेंदेङ कोंगा-बूलालेह्का पका पांड्रि मताङ. 4तान रेयिसि, पह्रा मनवालोर दिरदिर साङतोर, कुस्क मेग़्यतप आतोर.
5अस्के देवतुलि अव आस्किन इता, “मीट रेयमाटु! हव्कनागुटातगा वेळ्हतोग़ येसुन मीट पर्ह्किह्निर, इद नाक एर्काये. 6ओग़ इगा इलेग़. ओग़ मुने वेहच मतपु, मल्स जीवा अरतोग़.#मार्कल 16:6; लूकाल 24:5-7; योहन 21:14; बळयिर 2:32; 3:15,26; 4:10; 5:30; 10:40; 13:30,33-34,37; 17:31; रोम सहरतोर 4:24; 6:4; 8:11; 10:9; 1 कुरिंततोर 6:14; 15:4,20; 2 कुरिंततोर 4:14; गलातितोर 1:1; इपिसुसतोर 1:20; कुलुसितोर 2:12; 1 तिसलुनितोर 1:10; इब्रितोर 13:20 वाट, ओना सेत्तातुन तासिस मतद जागातुन ऊळाटु. 7अह कीसि चट्पिट अन्जि ओनाङ कग़यवालोरिनु इह वेहाटु: ‘ओग़ हासि मल्स जीवा अरतोग़. ओसो केंजाटु, ओग़ मीकाय मुने गालिल पटटे दास्तोग़. अगा मीट ओन ऊळकिर,’ इन्जि वेहाटु. नावा वेहतद कबुरतुन सेतेम पोय्म्ह्टु,” इनजोर देवतुल इता.
8पया अव आस्कु रेयिस मताङ, मति पका गिर्दा आसोरे, गुमयातग्डाह चट्पिट पेसिसि, येसुनाङ कग़यवालोरिह्कु इद कबुर वेहतलाहि वित वाताङ. 9अस्के दोम्क्नेन येसु अविस्किन कलियिस “बेस पिसाटु!” इनजोर इतोग़. कलियतस्के अव ओना एरे अन्जि, ओनाङ काल्क मोळ्कताङ. 10अस्के अविस्किन येसु इतोग़, “मीट रेयमाटु. मति मावोर कग़यवालोरक्के अन्जि ‘गालिलते अन्ह्ट अले, मीक येसुसामि अगान कलियनोग़,’ इनजोर ओरिह्क वेहाटु.”
पह्रातोरा जोल साक्सि
11अव अनजोर मताङ अस्के, गुमयातगा पह्रा मनवालोर वेल्लाटोरे इव आतव गोटिनु, सहरते अन्जि पेर्मालोरिह्क कतम वेहतोर. 12-13अस्के पेर्मालोर ओसो यहुदिराङ पेदल्क कलियिसि विचर कीतोर, अह कीस पया पह्रातोरिह्कु वेल्लाङे कोताङ ईसि इह वेहतोर: “‘माटु गोडनिद्रते मतोम अस्के, येसुनाङ कग़यवालोर नग़्का वासि, ओना सेत्तातुन कलिस ओतोर,’ इद्रम इनजोर पोल्लोतुन मिळ्हचि वेहाटु. 14ओसो इद पोल्लो गुमसिना केवदगा अरता इतेके, माट ओन मानेह कीसि, मीवा पेटळ वाया एवोम,”#बळयिर 12:19; 16:27; 27:42 इन्जि पेदल्क इतोर. 15अदिह्क ओर पह्रातोरु कोताङ एचि, पेदल्क काग़्हतपु अहे कीतोर. अद्रम आस पया, इद पोल्लो यहुदि लोकुरगा आबुर आता, नेंड वने ओर अहे इन्ह्तोर.
येसुना आक्रिता उकुमि
16पया इके कग़यवालोर अक्रा मांदि गालिल पटटे, येसु बेद मेटातगा वाट इनजोर वेहच मतोग़, अगा ओर अतोर. 17अतस्के, ओर ओन अगा ऊळिसि दंडुम अरतोर,#8:2; योहन 9:38; बळयिर 10:25; तोहचीतव पोल्लोङ 22:8 तेला मति (ओग़ येसुये आंदोग़ा, आयोग़ा इन्जि,) ओरग्डाह उय्तुर उन्क-मन्क मतोर.
18अस्के येसु ओरा एरे वास इतोग़, “देवुळदीपते ओसो नेदे मनवालोर कतमतोरा पोग़ोन, देवुळि नाक पूरा अदिकर ईता.#मत्याल 11:27; लूकाल 10:22; योहन 3:35; 13:3; 17:1-2; बळयिर 2:36; 10:36; रोम सहरतोर 10:12; 1 कुरिंततोर 15:27; इपिसुसतोर 1:20-23; पिलिपितोर 2:9-11; इब्रितोर 1:2 19अदिनेनाह्क मीटु अन्जि, सबे जातिनोर लोकुरगा, नावाङ कग़यवालोर आयिर इन्जि, ओरिह्कु नावाङ पोल्लोङ वेहचि, देवुळबाबाना, ओसो देवुळता मग़ना, ओसो देवुळता पवित्र जीवाता पेदिरते, एग़ मीहाटु.#रोम सहरतोर 6:2-4 20अह कीसि, बेव अडोङ मीक नना माळलाह वेहतन, अव कतम अडोनु ओरिह्कु माळलाह काग़्हाटु.#मार्कल 16:15; लूकाल 24:47; बळयिर 10:42 ओसो ऊळाटु, इद बूमता आक्रि एवनाह, नना अमेसा मीवा तोळ मह्नने!” इन्जि इतोग़.
Atualmente selecionado:
मत्याल 28: माडियाबाय्बल
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2021, Wycliffe Bible Translators, Inc. All rights reserved.