Matiu 2:12-13

La mahavana be ira atat mataisaoga uhu ram maturu, God mwa avo lalainira lol maturubore, mwa bevea be, “Gitol si hav tabagilu te mulei vai aben lavoa Herod.” Haḡe ram dol dabagilu mulei la hala dolua. La mahavana be ira atat mataisaoga ram mwalue, enjel vwate mwa mai aben Josep bon̄i lol maturubore, mwa bevea be, “Gov tomare, gov lai naturigi mai ratahina i gitol vi mwalue vai Ijip. Gitol vi togo aia vai votu gabe nai vev muleinia abemwa be gitol vi tabagilu mulei. Huri be lavoa Herod mwa hiḡehiḡe be vi wehi naturigi uhu.”