Senisi 10
10
Nowe biti me ka noti me inimetemoneke.
1Nowe ka noti me inimetemone amake haro, biti me ka matehe, Se, Ka, Safe me na mati. Me ka matehe watehemetemoneke faha fowe ehebote nowati ya.
2Safe biti memetemoneke haro, Kome, Makoki, Matai, Safa, Tobao, Meseki, Tirasi me na mati. 3Kome biti memetemoneke haro, Asikenasi, Rifati, Tokama me na mati. 4Safe ka noti me tohate me amake haro, Erisa ka me toha, Esibaya ka me toha, Sibiri ka me toha, Rotisi ka me toha na mati. 5Afa Safe ka noti me tohate me amake. Ma witi ya me one wina, wami itakosaha ya me one wina, te me amake. Fara me ati me hiri te me amake, me ati hiyaya na mati. Me abe ebe nemetemoneke tabora tamaha ya me winakanikima nabone mati.
6Ka biti memetemoneke haro, Kosi, Esito, Ribia, Kanaha me na mati. 7Kosi biti memetemoneke haro, Seba, Hafira, Sabita, Rama, Sabiteka me na mati. Rama biti memetemoneke haro, Saba, Teta me na mati. 8Kosi Niroti batimatamona amaka hari Niroti me nafi tabori iihawa taiti tohehimata. 9Teoso hinarife yama yeyete tohehimatamonaka. Makoni me ati e te me amake ahi, "Niroti nima tinahabone tike, yama yeyete tohehimata, Teoso hinarifahari", me ati te me amake. 10Taiti ya sitati terei na ka me ka towisawamatamona amaka, Babironia, Ereki, Akati naro, wami Sina tohaha ka sitati. 11Manakobisa tokehimatamonaka Asiria ka wami ya, sitati one hiri nebanoho, Ninifi, Reoboti, Kara, 12Rese naro. Ninifi ya Kara famaha basa kani ya Rese tohate amake, Kara sitati ehebote tohaharo.
13Esito ka noti me tohate me amake haro, Ritia ka me toha, Ana ka me toha, Reabi ka me toha, Nafito ka me toha, 14Batorosi ka me toha, Kasiro ka me toha, Kereta ka me toha na mati. Kereta ka me ka noti me one amake, Firisia ka mati.
15Kanaha biti me famehemetemoneke haro, Sito taiti toha, Heti toha, nari. 16Kanaha ka noti me tohate me amake haro, sebo me toha, amo me toha, kikasi me toha, 17hifi me toha, aki me toha, si me toha, 18arifati me toha, sema me toha, hamati me toha na mati. 19Kanaha ka me ka wami yowehemetemoneke, bahi kakamaki beheri ya, Sito ya. Yowa nemetemoneke bahi kakamaki beheri owa ya, Sera ya, Kasa yabori ya. Yowa nemetemoneke bahi kakamaki ya Sotoma, Komoha, Atima, Sebowi na ya, Rasa yabori ya. 20Afa Ka ka noti me tohate me amake. Fara me ati me hiri te me amake, me ati hiyaya na mati. Me abe ebe nemetemoneke tabora tamaha ya me winakanikima nabone mati.
21Safe anoti Se tohe ebereo me nafi ka itimatamona amaka. 22Se biti memetemoneke haro, Erao, Aso, Ahabasati, Roti, Ara me na mati. 23Ara biti memetemoneke haro, Osi, Ho, Kete, Masi me na mati. 24Ahabasati Sera batimatamona amaka. Sera Ebe batimatamona amaka. 25Ebe biti me famehemetemoneke, Bereki ya Sokita famahari. Bereki sawi ka yama ya me nafi abe ebe kanehemetemoneke. Makoni me abe ebe kani Bereki ino kaminaka. 26Sokita me ka abimatamona amaka, Aomota, Serefi, Hasamafe, Sera, 27Atonirao, Osao, Tikara, 28Obao, Abimayeo, Saba, 29Ofi, Hafira, Sobabi me na mati, Sokita biti me toha mati, me nafi. 30Me winate me amake wami ini Mesa tohaha ya, Mesa beheri ka wami toha na ya. Me tabori yowate me amake sitati Sefa tohaha ya, yati nemeha si toni ka yama ya, bahi kakamaki ya. 31Afa Se ka noti me tohate me amake. Fara me ati me hiri te me amake, me ati hiyaya na mati. Me abe ebe nemetemoneke tabora tamaha ya me winakanikima nabone mati.
32Afa Nowe ka noti me tohate me amake. Faha fowe webote nowati ka tabora nafi ka Nowe ka noti hinama me amake.
Atualmente selecionado:
Senisi 10: jaaR
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2023 (Active) Wycliffe Bible Translators, Inc. All rights reserved.