RIPHUTNA 6
6
Miriam siat tlia
1Rinêngah miriam an hong pung tâk a, nai nupanghei an hong nei a.#Job.1:8; 2:1. 2Pathian naipahei#6:2 ‘Vân mihei’ iti thei a nit. khan miriam nainuhei khah mêl iṭha okin an mu a; khanchu, an îdit dithei khah nupuiin an hong nei tâk a. 3Khanungchu, Pumapa khan, “Ker thla hih miriamah hin kumkhuan in-om mai khâi no ning e, anni khah â fam thei an nit; atûna rithokin chu kum rizalei sôminika ban ring khâi no nih,” a ti a. 4Kha lâiah khan neh kha nung tiang khomah khan Pathian naihei neh miriam nainuhei richi rinêngah hin Nefilhei #6:4 Nefilhei hih milian richi khatkah an nit. Milian richi Baibila lang chu Anak hei, Refa hei, Zumzum hei (Dn nik. 2:10; 3:11). an la om a. Kha mihei khah tianlâia mi rât, mi riming inthanghei khah an nit.#Rit.13:33.
5 Pumapa khan rinêngah hin miriamhei siat natinsat tlia neh an lungril ngaituana tin tin khah sualna sip a nit tlia khah a mun,#Mat.24:37; Lk.17:26; 1 Pet.3:20. 6miriam a lei isiam a, rinêng chungah a lei in-om tâk sika khan ân sîr a, a lungril a nat ok a. 7Khanchu, “Ki miriam siamhei hih rinêng chung ata inrimang vang ki ti; mîring tinrêng neh hin inrimang ki ti, ki lei isiam tâk hih ki însîr a nit,” a ti a. 8Nikhomsela, Nova kha chu Pumapa mit a tlung mai a.
Nova thurchi
9-10Amahih Nova thurchi chu a nit. Nova khan naiipa ithumkah Sema, Hama neh Jafeta a nei a. Nova khah mi fel tak a nit a, kha lâi zoro a khan ama bang sêlna boi a nit. Pathian neh ripôlin a om mai ngai a.#2 Pet.2:5. 11Nikhomsela, mi murdihei chu Pathian mitmun an siat zoi tâk a, rinêng chung chu ringo neh risualin a sip zoi tâk a. 12Pathianin rammual hih a en a, mi murdi isual takkan an ring sikin a siat zoi tâk iti a mu a.
13Pathianin Nova ziangah, “Miriam murdi mongna khah ke thlûk tâk. Anmani sikin rinêngah hin ringo risualna a sip zoi tâk a; khasikin, arnêng pumin ki înrimang vang rang tâk a nit. 14Nin omna rang thing iṭha chi#6:14 Hebraiin ‘Gofer,’ îthing im ai nit iria ni khâi mak. mangin rikuang siam roh; rikuangah khan chontanhei siam inla, a sungtiang neh a putiang khah ifâr nâi inôt riai roh. 15Hingka hin ni siam rang dân chu a nit; a dung mûk rizathumkah, a khang mûk sômringakah, a chotuk risâng mûk sômithumkah a nit rang a nit. 16Rikuangah khan tukverhei siam inla, inchungtiang ata mûkka tenah khan ni siam rang a nit. Rikuang khah richuan ithumka neiin siam ni ta; a kotbâi chu a sîrah ni siam rang a nit. 17Keimah ngêiin rivân nuaia mîring tin tin, ringna rithuak inei murdi chu inrimang vang rangin rinênga hin tui liansâng ki întho tho rang a nit. Rinênga thil tinrêng hih thi vang an ta; 18nikhomsela, nangmah neh chu thuthlung siam indet ki ti. Rikuangah khan ni nupui neh ni naipahei khom an nupuihei neh nin lût rang a nit. 19-20Rikuangah khan sa chi tinrêng neh chunga vuang iva chi tinrêng apui neh achal a bop bopin an ring theina rangin ni ṭhui sa rang a nit. 21Nangma bu rang neh mîringhei bu rang ni chôi sa rang a nit,” a ti a. 22Khanchu, Pathianin thu a pêk lam takin Nova khan a tho tâk a. #Heb.11:7.
Atualmente selecionado:
RIPHUTNA 6: BIATBSI
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
The Bible Society of India
© 2014, Used by permission. All rights reserved. More