Versículos bíblicos populares de Luk 17

Partilhar

Mewö jiba kewö jii mörök, “Mötnaripkan mönö mem ölöwak gihiza. Miaŋgöra ölöp wahöta anman.” Mewö.

Wehön kungö uruŋe siŋgisöndok 7 ak bölim gihiba indimŋi 7 göhöreŋ liliŋgöba kewö jima, ‘Alani, ni siŋgisöndok akzalaŋgöra möt bölim aŋguzal.’ Mewö jima ewö, gi mönö siŋgisöndokŋi mosöt waŋgiman.” Mewö.

Ölöwahökmö, 10 yeŋgöreŋök kunŋan sileŋi solanii eka liliŋgöba kaba Anutu köhöikŋanök qeta möpöseiyök. Möpöseiba Jisösgö könaŋe geba sipköba simin köla ‘Saiwap!’ jiyök. Azi mi Samaria azia. Juda yeŋön Samaria prowinsgö ambazip yeŋgöra mötketka eretŋi ahakzapma.

“Miaŋgöra mönö nanŋini galömŋini mem aŋguba malme. Alagi kunŋan siŋgisöndok akzawi, i mönö jim mindiŋ ak waŋgiman. Jim mindiŋ ak waŋginöŋga möt bölim aŋguba wösöŋi mötma ewö, gi mönö siŋgisöndokŋi mosöt waŋgiman.

Saiwap! jiiga Jisösnöŋ meleŋda jiyök, “Mi ölöp akzanmö, azi pakpak 10 eŋgö sileŋinan lök solanim teköyök me? Azi 9 mieŋön mönö denike malje?

Mewö jigetka Kembunöŋ meleŋnök, “Mötnaripŋinaŋgö ölŋi mi nejoŋ kötŋaŋgö dop ahöbawak ewö, eŋön ölöp nömözup ip kiaŋgöra kewö jim kutubeak, ‘Gi mönö jöla jalögabuk wahöta luhuba köwetnöŋ geba nangi kömöta kinman.’ Mewö jiba möt narigetka ip miaŋön mönö keuŋini tem kölma.” Mewö.

Kunŋan malmalŋi siyoŋsayoŋi qahö nanŋaŋgöra aŋgön köla nanŋi imbi-imbi malmamgö mötzawi, yaŋgö malmalŋan mönö sohomapmö, kunŋan malmalŋi nöŋgöra aka köleŋniga sohomawi, yaŋön mönö malmal ölŋaŋgö könaŋi miwikŋaiba oyaeŋkoyaeŋ malma.

Jisösnöŋ gwarekurupŋi keu kewö jii mötket, “Bölöŋaŋgö supatitikŋan mönö awamŋanök asuhumakza. Kunöŋ supatitik aŋgön kölmamgö osimakzapmö, kun daŋön tosatŋi kölgorom ak eŋgiiga siŋgisöndok akŋei, yaŋgöra mönö wölziköba ‘Yei!’ jizal. Sihimbölö öŋgöŋgöŋan mönö yaŋgö qakŋe öŋgöma. Yaŋön ambazip moröŋi yeŋgöreŋök kun kölgorom ak waŋgiiga siŋgisöndok akŋawi, azi miaŋön mönö lömböt öŋgöŋgöŋi miwikŋaima. Anutunöŋ lömböt miaŋgö likepŋi denöwö waŋgiiga dopŋe akawak? Kemuŋ jamönjiŋ jölŋe jöhöba köwet röndumnöŋ gilget mulumgöi gebawak, miaŋön mönö awamŋi ahum waŋgii tandök akawak.

“Mönöwök Noagö nalöŋe ambazipnöŋ malmalŋini qemasolokep qakŋe mala ayuhugeri, miaŋgö dop mönö Suep gölmegö azi ölŋan kunbuk kamawaŋgö nalöŋe mewöyök asuhuma. Noagö nalöŋe nene lömbuaŋ ala o köhöikŋi nemba ambi kenam bohonŋaŋgö alget anda kaiga aŋgömeget. Ahakmeme mewö aka memba qemasolokep malgetka Noanöŋ waŋge uruŋe öŋgöyöhi, silim miaŋgöreŋ teköyök. Teköiga o göulu ketaŋan kaba ambazip jinonŋi qahö löm köl eŋgii o nemulahöba kömuget.