Versículos bíblicos populares de Jon 3

Partilhar

“Miaŋgö könaŋi kewö: Ambazip i möt narim waŋgizei, yeŋgöreŋök kunŋan ayuhubapuköra Anutunöŋ gölme dop önöŋi qahö jöpaköm neŋgiyök. Neŋön körek letota malmal köhöikŋaŋgö buŋaya akingöra mönö Nahönŋi mohotsirik mi neŋgiyök.

Ambazip gölme dop mal anjini, Anutunöŋ Nahönŋi neŋgö keunini jim tekömapköra aka qahöpmö, Nahönŋan amöt neŋguiga kantri dop letota oyaeŋkoyaeŋ akingöra aka melaiiga gölmenöŋ erök.

Mewö jiiga kewö jiba meleŋ waŋgiyök, “Nöŋön keu öl töhönŋi kun kewö jibi mötnöŋ: Kunŋan Anutugöreŋök ahuahu dölökŋi qahö ahuma ewö, yaŋön mönö Anutugö bemtohoŋe aŋgota ekŋamgö osima.”

“Ambazip kunŋan Nahönŋi möt narizawi, Anutunöŋ yaŋgö keuŋi jim teköiga qahö ayuhumapmö, kunŋan Jisös qahö möt narim waŋgizawi, Anutunöŋ yaŋgö keuŋi lök jim teköiga malja. Anutugö Nahönŋi mohotsirikö qetŋi qahö möt narizawaŋgöra aka könöp siagö buŋaya akŋa.

Anutunöŋ gölme ambazip keunini jim tekömakzawi, miaŋgö könaŋi kewö: Asakŋan lök gölmenöŋ eta asuhuyökmö, ambazipnöŋ ahakmeme bölöŋi bölöŋi aka memba malget. Mewö mala Anutugö asakŋi tököba uruŋini söŋaupkö ahakmemenöŋ laŋ jöhöba mala kotket.

Jisösgö qetbuŋaŋan qarim sehiiga nöŋgöreŋan mönö waziiga dop kölma.” Mewö.

“Körek pakpak ahakmeme bölöŋi ahakzei, yeŋön Anutugö asakŋi tököba andö qemakze. Anutunöŋ ahakmemeŋini bölöŋi bölöŋi mi indela jim eŋgiiga gamuŋini mötpepuköra keŋgötŋini mörakze. Mi möta asakŋaŋgö uruŋe qahö aŋgorakze.

“Ambazip kunŋan Nahönŋi möt nariba uruŋi meleŋjawi, yaŋön mönö kunbuk letota malmal köhöikŋaŋgö buŋaya akza. Kunŋan Nahönŋaŋgö keuŋi qahö tem kölakzawi, Anutugö irimsesewölŋan mönö yaŋgö qakŋe öŋgöba pöndaŋ kini malmal köhöikŋaŋgö könaŋi qahö ek kutuba önewat laŋ malja.” Mewö

“Anutunöŋ Moses gölme qararaŋkölkölŋe jim kutui kopö ainöŋ mokoleŋ imutŋi memba tohotnöŋ kösököi kinöhi, miaŋgö dop Suep gölmegö Azi Ölŋi mi kösökögetka öŋgöba kinma.

Iwinöŋ Nahönŋi uruŋan jöpaköm waŋgimakzawaŋgöra aka yuai pakpak buŋa qem waŋgiba böröŋe ali ahöza.