Versículos bíblicos populares de Jenesis 17

Partilhar

Abramnöŋ yambuŋi 99 aiga Kembunöŋ asuhum waŋgiba keu kewö jiyök: “Nöŋön Anutu kukösum pakpakö Toŋi akzal. Miaŋgöra gi mönö nöŋgö keuni tem köla pöndaŋ ahakmeme diŋdiŋi wuataŋgöba malman.

Göhö qetki Abram mi qahö toroqeba qetketka ahömapmö, göŋön könagesö gwötpuk yeŋgö iwi bömönŋina akŋangöra kuŋgum gihizali, miaŋgöra qetki mönö Abraham qetketka ahöma.

Nöŋön mönö jöhöjöhö areŋni mi nani aka gi, göhö gwölönarökurupki göhö andöge toroqeba asuhum öŋgömei, neŋgö sutnine al köhöibiga teköteköŋi qahö ahöm öŋgöba ahöma. Nöŋön göhö Anutugi aka gwölönarökurupki göhö andöge asuhum öŋgömei, mönö yeŋgö Anutuŋina aka malmam.

“Mötman, nöŋön jöhöjöhö areŋni göbuk kewö akzal: Göŋön könagesö gwötpuk yeŋgö iwi bömönŋina akŋan. Keu mewö jim jöhöbi ahöma.

Mewö qesiiga Anutunöŋ kewö meleŋnök, “Anömgi Saranöŋ mönö göhö morö nahöngi mema. Mi meiga qetŋi Aisak (gön kölja) qetman. Nöŋön Aisakpuk aka yaŋgö gwölönarökurupŋi yembuk jöhöjöhö areŋni mi al köhöibiga teteköŋi qahö ahöm öŋgöma.

Gi Keinan gölmenöŋ kiana maljani, nöŋön gölme mi jömukŋanök gi aka göhö gwölönarökurupki eŋgö buŋaya qem eŋgibiga buŋaŋini teteköŋi qahö ahöm öŋgöba ahöma. Mewö ahöiga nöŋön mönö yeŋgö Anutuŋina aka malmam.”

Kembunöŋ mewö jiiga Abrahamnöŋ mi möta simin köla bamgöba uruŋan kewö mötmöriba miaŋgöra gön kölök, “Azi yambuni 100 akiga morö nahönan mönö denöwö asuhubawak? Mewöyök Saranöŋ yambuŋi 90 aiga mönö denöwö morö membawak?”

Anutunöŋ toroqeba Abrahamgöra kewö jiyök: “Gi anömgahö qetŋi Sarai mi kude toroqeba qeta malmanmö, yaŋgö qetŋi mönö Sara (jembon ambi) qeta malman.

Nöŋgö aiwesökni mönö sileŋine yandime. Miaŋön jöhöjöhö areŋ ni aka eŋgö sutnine albi ahözawi, miaŋgö aiwesökŋa ahöm öŋgöma.

Mewö akŋemö, Saranöŋ nahöngi Aisak mi yambu euneaŋgö nalö kewöŋe memawi, nöŋön mönö nani jöhöjöhö areŋni mi yambuk al köhöimam.”

Nalö kewöŋeyök könahiba azi pakpak eŋgö sutŋine toroqeba asuhum öŋgömei, yeŋgö sileŋine mönö sömaŋini 8 aiga miaŋgöreŋ nöŋgö aiwesökni yandiba malme. Nanŋine miri uruŋe nanŋini aka welenqeqeurupŋini yeŋgöreŋ morönahönurupŋini asuhumei, mi mönö öröröŋ ak eŋgiba malme. Welenqeqe tosatŋi mi kian yeŋgöreŋök moneŋnöŋ bohonŋini megetka yeŋgö morö nahönŋini asuhume. Yeŋön nanŋini gwölönarökurupŋini qahö akzemö, mi töndup nöŋgö aiwesökni mi mönö yeŋgö sileŋine mewöŋanök yandiba malme. Welenqeqe tosatŋan nanŋine miri uruŋe asuhugetka welenqeqe tosatŋi mi moneŋnöŋ bohonŋini megetka yeŋgö morö nahönŋini asuhume. Nöŋgö aiwesökni mi mönö yeŋgö sileŋine mewöŋanök yandiba malme. Nöŋgö jöhöjöhö areŋnaŋgö aiwesökŋi sileŋine yandimei, mi mönö jöhöjöhö areŋ teteköŋi qahö ahöm öŋgömapköra jim köhöizal.