Versículos bíblicos populares de Yuhanna 14

Partilhar

Mi ɗon accana on salaaman, mi ɗon hokka on salaaman am. Ko mi hokkata on, ɗum nanndaay bee ko duniyaaru hokkata. Taa ɓerɗe mooɗon caklo, taa kultore!

Yeesu wi'i mo: “Min woni laawol e gooŋga e ngeendam. Walaa mo yahata haa Baabiraawo, sey bee am.

Yeesu wi'i pukara'en muuɗum: “Taa ɓerɗe mooɗon caklo. Nuɗɗine Allah, nuɗɗineeɗam min boo.

Balloowo, waato Ruuhu Ceniiɗo mo Baabiraawo neldata on bee innde am, kaŋko ekkitinta on kuuje fuu, o siftinoran on ko mi wi'i on fuu.

Mo jogi umrooje am, ɗowtani ɗe, kaŋko woni giɗɗo yam. Baabiraawo yiɗan giɗɗo yam, min boo mi yiɗan mo, mi waŋginanan mo hoore am.”

Mi toroto Baabiraawo o hokka on Balloowo feere, ngam o wonda bee mooɗon haa abada. Ɗum Ruuhu mo gooŋga, duniyaaru waawataa heɓugo mo, ngam ndu waawataa yi'ugo mo, ndu anndataa mo boo. Ammaa onon on anndi mo, ngam o ɗon wondi bee mooɗon, o jooɗoto nder mooɗon boo.

Ko on toroto bee innde am fuu, mi waɗan ɗum, ngam haa Baabiraawo teddine nder Ɓiɗɗo. To on torake koo ɗume bee innde am, mi waɗan ɗum.”

Yeesu tokki wi'ugo: “To on ngiɗi yam, on njogoto umrooje am.

Woodi cuuɗi ɗuuɗɗi nder saare Baabiraawo am, mi yahan, mi taaskitinana on joonde. Mi wi'ataano on ɗum to ɗum laataaki non.

To mi dilli, mi taaskitinani on joonde, mi loroto, mi hoo'a on, mi yahra on haa am, ngam haa on ngona haa ngonmi.

Tomas wi'i mo: “Jawmiraawo, min anndaa haa a yahata, noy min anndirta laawol maajum?”