Versículos bíblicos populares de Màtíyò 24

Partilhar

Ndɨ̀ŋɓáàŋ ɓa dùɓà nɨ cei á ɗà ɗûnɨ́m nùb kù ví̧i̧ a kèrè. Ɨ́dù nò kwá jíhɨ há̧á̧ cáŋhɨ̀rí, kwá ɓáí.

Kùb kwá ahɨ Kìn Nyɔ̧ɔ̧́ du ɓe ɨ́r Ŋgɔ̧́ɔ̧̀ Mèèín kɨ́ ɗɔ̀ɔ́b lè no bɨ̂ŋ, àm gbàŋ lâs a ô mɨ̀námé àm kíì. Ɓwâ kɨ́ á ɗɔ̀ɔ́b kwá cɔ̧́gi.»

Nyí ɓa ónɨ àám suu du kə́sə́ə́ ɓe péìn kɨ́b du cóo á. Nyí nɨ vùù ô. Ɗú nɨ́ɨ́b kɨ́ ndɨ̀ŋhá u̧ á. Ɨ́dù tɨ̀ nɨ cáŋhȩ̀ ɗɔ̀bí dùtàm.

Gbɨ̧̀ kwá leecu su ɓe kùùŋ, ɗà ti a gàìnɓwê kùùŋ su; mɨ̀yɨ́ ví̧i̧, ŋgàk ɓe jɨ̀hèé ɗɔ̀bí ɓa dùnɨ á. Nɨ́ɨ́b kɨ́ kwá du hȩ yààr yíìnɨ́m fù̧ní.

Ɓɨɨr ɓe ɗɔ̀ɔ́b ɓa bɨ cɔ̧́nɨ á, ɨ́dù nyindí móò tɨ̀ nɨ cɔ̧̂.»

Ɓetí nɨ̀vɨ́tɨ̀b ví̧i̧ kwá go ɓe ɨ́r moò ɗà ŋgáb a tà: ‹mɨ Mèsî á!› U̧nè á ŋgáb kwá mbáaŋɓa nɨ̀vɨ́tɨ̀b ví̧i̧.

«U̧ á nɨ̀vɨ́tɨ̀b kwá bɨge nyí yɨ́ nùb ge tií túùmnɨ nyí jábɨ́r, ɓe àm kùb kwíhe nyínè. Gbààŋ lâs ɓa nyí ɓə̀ndɨ̀nɨ ɓe àm moò á. Ɓwâ kɨ́, nùb kù ví̧i̧ kwá mbɨ́k ə́ə́m; ŋgáb kwá sə́rɨcuɓa síí ɗà ɓi̧í̧ a lê mvókín ŋgábè no. Tɨ́kɨ̀nɨ́b kàŋnì kù ví̧i̧ kwá goɓa mbáàŋtèènɨ nɨ̀vɨ́tɨ̀b.

Yésù ɨ́ pììnà ŋgáb: «Gə́tɨnáam, nò kù tɨ̀ mbáŋhɨ nɨ́ nyí!

Ɓe àm kɨ́ á du ɗúnɨ nyí ɓwê, nyí dùkɨ́ nyaaŋkí̧i̧, ɓetí Mwin Nɨ̀rì ɓa gònɨ ɓwâ nyí du ŋgə́ móŋkɨ́nɨ ɗàwáá á.»

Dukɨ́náam ɓwâ lâs jáŋ ɓetí nyí nɨ ɗə̀ə̀ŋwá ye Kéké nyínè kwá goré.

«Ɨ́dù ye ɓe mvókín nɨ́m kɨ́ ɓa nó féínniì; dùgɨ̀ dùgallɨb Mèèín, dùgɨ̀ Mwin Mèèín, nò kù nɨ ɗə̀ə̀ŋwá; jɔ̀sé Tá, ŋgə́ mwi̧.

Ɓetí Mèsî bɨ kàŋnì ɓe tɨ́kɨ̀nɨ́b kàŋnì kwá go; ŋgáb a ndɨ̀ŋ lìím kàtɨ́b ɓe nɨ́ɨ́b sɨ̀sɨ̀rí, vúm yè tɨ̀ mbáaŋɓwéehá dugɨ nùb Mèín ya caré du bɨ́ sàmàìn kùb mbáaŋndé ɗàà rɨ kè.

Nɨ́m ya ndɨŋ ɓwâ ya Nòwéè rɨ, tɨ̀ ndɨŋɓwée u̧ ɓwâ Mwin Nɨ̀rì kwá goré. Kí du ɓwâ ya Nòwéè kɨ́, mbɨ̀ŋ kàm jíri ɓa nɨ yúknɨ, nɨ̀vɨ́tɨ̀b ɨ́ yà tàŋnɨ, ŋgáb a meice, ŋgáb a ɓuce gùúm, ŋgáb a nakɨ́ce mɨkóómɨb ŋgábè gùmní, há̧á̧ hȩ ye Nòwê lə́ Árɨ̀cə̀ noò ya go ɗóòniì. «Ŋgáb ya bɨ́ ɗə̀ə̀ŋwá nɨ́m ya du gòniì há̧á̧ hȩ mbɨ̀ŋ kàm jíri ya go yúknɨ ɗà ŋgáb ɨ́ ndùkkî lâs. Ɓwâ Mwin Nɨ̀rì kwá goré, nɨ́m kɨ́ kwá ndɨŋɓwée u̧.