Versículos bíblicos populares de Lúkàs 8

Partilhar

Ɓwàá ɗisé ɗɔ̀ɔ́b nyɔ̧né du nùb du óknɨ kìn kɨ́, ŋgáb a ô ɓe njɔ̧̀ nyɔ̧ɔ̧́ duɓa kerîn ndɨ á. Ŋgáb á gə́tɨ̀ɓànɨ kìn kɨ́ mîn ɓe jɨ̧ cúk, ŋgáb a nàɓà njáàb nyɔ̧ɔ̧́.»

Ɓwàá ɗiré lúŋbɨ́nné du nùb du óknɨ kìn, ɨ́dù féín tə̧ə̧́ ŋgáb a mbɨ̂ njɔdì, ju nyɔ̧ɔ̧́ ɗɔ̀bɨ́nné ɓe mɨ̀lə́mkáín lámkɨ́ ŋgáb, ŋgáb a dùcè bɨ́ gum nyɔ̧ɔ̧́ nàr.

Nùb kù á cè fɨ́tîn ɓe ɗɔ̀ɔ́b ɓéhíì. Ɓwâ ŋgáb ók kìn kíì, ŋgáb a gàm ŋgə́ ɓe mɨ̀tù cúk. Ɨ́dù ŋgáb bɨ mbɨ́knɨ kìn kɨ́ cɨ́ɨ̀mndé ŋgábè sumí ɗàà, ŋgáb á bɨ ŋgə́ ə́ə̀mhó̧ɗóònɨ mvókín ti ŋgób. Ɓwâ kɨhɨr kù féínwo rɨ́, ə́ə́m ŋgábè a gù.

Yésù ɨ́ fɔ̂ nɨ̀fuùb noò ɨnè: «Ə́ə́m nyínè á cè ŋga?» Ɨ́dù vùù ya bií ŋgáb, ŋgáb ɨ́ gbɨ̀ɨ̀ŋɓà bɨ́ cei, á ŋgáb ya tàtèènɨ mvókín ŋgábè no ɨnè: «Nɨ̀ŋgwá rè mayè na! Nò duye nɨ́ pámnɨ kəŋmbə́r ɓe mvúm, ŋgáb a jə̀ŋmè bɨ́ ŋgə́ rè!»

Nùb kù á fɨ́tîn ɓe ɗɔ̀ɔ́b gín jɨ̀rì ɓwàá ɗisé yáà. Ɓwâ ŋgáb ók kìn kíì, Sátàìn a gò gàhó̧kɨ́nɨ kìn ŋgábè njɔ̧̀ɔ̧ kɨ́, àm ŋgáb tɨ̀ ə́əmɓaye ŋgáb a ɓárèé.

Nɨ́m du yo̧né ɓa fó̧nɨ laŋtɨ̧ɨ̧́ á, nɨ́m duce kúllí ɓa dùnɨ vihîn á, nùb lâs a ɗə̀ŋhȩ̀.

Nɨ̀gwi rè ɨ́ pê kùb ɗəəŋtɨ́ bɨ́ ní ɨ́ ndɨŋ nɨ́m kɨ́ ru, á ŋgə́ gogi gùcáàmsénɨ Yésùù ɓusiín, ŋgə́ a nɨɨŋce. Nɨ̀vɨ́tɨ̀bì lâs tíí ɓè, ŋgə́ ɨ́ tànà Yésù àm níì á ní tɨ di̧nɨ ŋgə́, ŋgə́ ɨ́ tàɓwê hȩ yáb noò tɨ cɔ̧́ɓa ɓè mu̧u̧. Kí á Yésù tana ŋgə́ ɨnè: «Mwin móò, ə́ə́m wóò ɓátií wu. Gɨ̀ mîn yáà.»

Nɨ̀fuùb ɨ́ ŋgɨ̀ɨ̀sò gín Yésùù sə̀ə̀mnɨ ŋgə́, ŋgáb a tace: «Tá, tá, nɨ́m ɓa ndùknɨ á!» Yésù ɨ́ sə̀mnè, ŋgə́ ɨ́ pámɓà kəŋmbə́r ɓe tɔɔ̀ kàtɨ́b mvúmí rè, ŋgáb ɨ́ kèrè, nɨ́ɨ́b lâs ɨ́ dùcù ɗóóŋ.