Versículos bíblicos populares de Lúkàs 17

Partilhar

Á Yésù tana nɨ̀ŋgwá Sàmàríì rè ɨnè: «Eíwúum còóm, gɨ wu nɨ́m wóò! Ə́ə́m wóò ɓátií wu.»

Mvii mwi̧í̧ no, ŋgə́ ndɨ̀ŋgɨ̀ ɓáŋhîn gwì meeb ŋgə́ a goce wu ɓwèìnɨ tɨ́ɨ́r, tɨ́í ŋgə́.»

Ɨ́dù nɨ̀mwi̧ mvókín ŋgábè noò, hȩ ŋgə́ pénɨ njɨ̀ɨ̀b níì sutií nɨ́ rèé, ŋgə́ ɨ́ ɓàndɨ̀cùwò nɨ́ cùrì, ŋgə́ a mgbíice Mèín kúu còóm. Ŋgə́ ɨ́ gò gùcáàmsénɨ Yésùù ɓusiín ŋgə́ sáktɨ̀nɨ. Nò yi cuwo nɨ́ kɨ́ yɨɨ́mcè nɨ́ nò Sàmàríì á.

Gə́tɨná nɨ! «Mwin yàá woò ɨ́ ndɨ̀ŋ ɓáŋhîn, yetɨɓam ŋgə́. Ŋgə́ ɨ́ ô, wu a tɨ́ì ŋgə́.

Yésù ɨ́ tà: «Ína njɨ̀njə́ə̀b cóóŋ lâs, njɨ̀ɨ̀b ŋgábè sutɨhaá ye! Nùb ɓwécɔ̧́ kù rè á cè bɨ́ ŋga?

Á Kéké tana ŋgáb ɨnè: «Ə́ə́m nyínè tɨ dùháyè tamnì ti, yè tɨ á sàmàìn nyí tana yɔ̀ rè: ‹Éíkɨ́ɨm ɓè, wu a gì dùnɨ mɨ̀kwehɨ̀rí›, yɔ̀ kɨ́ a éíkɨ́mè.»

Ɓetí nò kwá má ɓátɨ̀nɨ mè noò, kwá məm mè no kɨ́. Ɨ́dù no məm mè noò ɓe ɨ́r moò kwá céín mè no kɨ́.

Yésù ɨ́ tànà nɨ̀fuùb noò ɨnè: «Nɨ́ɨ́b geré nɨ̀vɨ́tɨ̀b cumí kwá dulɨ́ŋhá nɨ́. Ɨ́dù jábɨ́r kwá du ɓe nò njóoré kùŋ noò cumí! Kɨ́ nò kíì, nyɔ̧ɔ̧́ á kùb kóllé ŋgə́ jùm kù ya lèrénɨ mɨ̀kwehɨ̀rí, ɨ́ ndôŋ kɨ́ ŋgə́ njóoré kùŋ noò cumí.

Nɨ́m ɓa ndɨ̀ŋnɨ ɓwâ Mwin Nɨ̀rì ɓa cùwòniì tɨ̀ duɓwéece hȩ kɨ́ ya ndɨŋ ɓwâ ya Nòwéè rɨ. Nɨ̀vɨ́tɨ̀b yaá tàŋnɨ ŋgáb a meice, ŋgáb yaá ɓùtèènɨ gùúm, há̧á̧ hȩ ye Nòwê lə́ kwánnè ya go ɗóòniì. Mbɨ̀ɨ̀ŋ kàm ndè ɨ́ gògì nɨ̀vɨ́tɨ̀b ndùùkɨ́nɨ.