Versículos bíblicos populares de TƏŊMORFANNE 1

Partilhar

So Masǝŋ faa: Na joŋ dǝfuu na na, ka mo jurra na, ka mo yeara ne swah tǝ syiŋ pǝ bii, tǝ juu ma zoo sǝŋ, tǝ fan ma ne ɓal tǝ nai tǝ sǝrri, tǝkine fan ma ker tǝ sǝr daŋ. So joŋ dǝfuu na ko, joŋ ko jur ne suu ahe, joŋ dǝwor ne madǝwinni.

Masǝŋ ẽe ra, faa nyi ra: We bemme, we ɓoo, ka we baa sǝrri, we kaa swah tǝl ahe, we kaa swah tǝ syiŋ pǝ bii ne juu ma zoo sǝŋ tǝkine fan ma ne cee tǝ sǝr daŋ.

Ne cok Masǝŋ mo tǝŋ joŋ sǝŋ ne sǝrri

ka sǝr ah zyeɓ vǝr a ba, a tǝkolle. Bii no cok daŋ, so cokfuu no tǝtǝl ahe, Tǝ'yak Masǝŋ a kiŋ tǝ bii ahe.

Masǝŋ faa ka cokfãi mo joŋ, so cokfãi joŋni.

Masǝŋ ẽe fan mai mo joŋko daŋ, so faa a pǝsãh pǝlli. Lil joŋni, zah'nan joŋni, zah'nan yea ah yo.

Masǝŋ kwo cokfãi ah pǝsãhe, so woŋ kǝsyil cokfãi ne cokfuu.

Masǝŋ faa: Me nyi fan ma ceciŋ ah mai moo leeni, tǝkine kpuu ma lee syẽm ah daŋ ka we re.

Masǝŋ so ɗii cokfãi ah ne comme, ɗii cokfuu ah ne suŋni. So lil joŋni, zah'nan so joŋni, zah'nan vaŋno ah yo.

Masǝŋ faa ka cok makol mo yea kǝsyil bii ka woŋ kǝsyil ɓǝǝra. Fan ah joŋ ta.

Me nyi fãa pǝ̃ǝ ne lee syẽm kpuu nyi nǝǝ cok tǝkine juu ka mo rera. Fan ah joŋ ta.

Masǝŋ faa ka cokfãi camcam mo joŋ tǝ masyiibam sǝŋ mor ka woŋ kǝsyil com ne suŋni, ka mo yea na fan ma cuu cokki, tǝgba faa: zah'nan tǝkine syii

Masǝŋ so faa ka sǝr mo ciŋ fãa ne ban fan ma ceciŋ mai moo leeni, tǝkine kpuu ma lee syẽm ne ban ah camcam. Fan ah joŋ ta.

Masǝŋ joŋ cok makol ka woŋ kǝsyil bii ma sǝŋ ne ma morkǝsǝŋ.

So sǝr ciŋ fãa ne ban fan ma ceciŋ mai moo leeni, tǝkine kpuu ma lee syẽm ne ban ah camcam. Masǝŋ ẽe fan ahe, so kwo a pǝsãhe.

So nǝǝ cokfãi maluu ah gwa, malii ah mor ka sǝǝ cok ne comme, malaŋ mor ka sǝǝ cok ne suŋni, so joŋ ŋwǝǝmǝŋgai ta.

So Masǝŋ faa ka bii ma mor masyiibam sǝŋ mo tai cok vaŋno, ka cok yak mo pǝ̃ǝ ge lalle. Fan ah joŋ ta. So ɗii cok yak ne sǝrri, ɗii cok mai bii mo ɓoo ɓo gŋ ne mabii. Masǝŋ ẽe fan ahe, so kwo a pǝsãhe.

Masǝŋ ẽe ra faa: We bemme, we ɓoo ge pelle, ka we baa mabii, ka juu laŋ mo ɓoora tǝ sǝrri.

Masǝŋ faa ka sǝr mo bem fan ma ne cee ne ban ɓǝǝra, fan ma ne ɓal tǝ nai, fan ma ker tǝ sǝrri, tǝkine nǝǝ ma no tǝ sǝr daŋ ne ban ɓǝǝ camcam. Fan ah joŋ ta.

Masǝŋ faa ka bii mo syer fan ma ne cee pǝlli, ka juu mo zoora tǝ sǝr ge sǝŋ.

Masǝŋ mo joŋ fan marai ne ban ah camcam daŋ, so kwo fan ah pǝsãhe.