Versículos bíblicos populares de Génesis 28

Partilhar

Noqa imaypis qamwanmi kaykäshaq. Maypa aywaptikipis noqami rikashayki. Maypitapis kay partimanmi kutisimushayki. Mana qonqaypami qamta promitishqäkunata lapanta cumplishaq>>.

Saynöpis TAYTA DIOSTA rikarqan escalëra puntancho ichiraykaqta. Paymi nirqan: <<Noqami kaykä awiluyki Abrahampis papäniki Isaacpis yärakushqan TAYTA DIOS. Kay punuykashqayki pampata qamta y qampita miraqkunatami qoykushayki.

Punuykashqanpita rikcharkamurmi Jacob nirqan: <<TAYTA DIOS rasunpaypami kaycho kaykan. Kaycho kaykashqanta manami musyashkäsu>>.

Saychömi Tayta Diosta manakur Jacob nirqan: <<Taytay, kanan aywaykashqäpa ali puriykamunäpaq walkiykalämay. Mikunäpaqpis y mödanata jatikunäpaqpis kamaripaykalämay. Papänïpa wayinman kawaykar kutimuptïqa qamlami TAYTA DIOSNï kanki. Kay ichisishqä rumimi señal kanqa kaycho pïmaypis adorayäshunaykipaq. Lapan kamaripämashqaykipitami diezmuta qampaq imaypis churamushaq>>.

Qampita miraqkunami polvunöraq yupaytapis mana atipaypaq kayanqa. Surikikuna mirayashpanmi maysaypapis ramakäyanqa. Qam kaynikipa y qampita miraqkuna kayninpami lapan nación runakunapis bendicionnïta chaskiyanqa.

Nawpataqa say cercancho kaq markapa jutin karqan Luz. Jacobnami say markata jutisirqan Bet-el jutin kananpaq.