Versículos bíblicos populares de Génesis 27

Partilhar

Qam tashqaykimanqa Tayta Dios tamyaykasimusun. Shuntaytapis mana atipashqaykiyaq murupakushqayki wayuykuläsun. Trïguykipis vïnuykipis saysika kaykuläsun. Qamta aska runakunami sirviyäshunki. Saynöpis lapan nación runakuna puntaykiman qonqurpakuyäsun. Aylluykikunapis munaynikicho kayäsun. Paykunapis puntaykiman qonqurpakuyäsun. Qamta maldicionashuqniki maldicionashqami kanqa. Bendisishuqnikiqa bendisishqami kanqa>>.

Saymi Esaú nirqan: <<Sayno kaptinchir Jacob jutitapis churaparqayki. Kananwanqa ishkay kutinami engañaman. Nawpata qechpa kay derëchüta qechumash. Kanan noqapaq kaq bendicionta chaskikurkush. ¿Manaku walkalapis bendición noqapaq kanraq?>>

Saymi Esaúta Isaac nirqan: <<Mikuy mana wayushqan chakracho y tamya mana kashqanchömi tankipaq. Espädaykiwan defiendikurmi kawanki. Wawqikipa munayninchömi kanki. Sayno karpis munayyuq rikakur makinpita yarqunkimi>>.

Sayno niptinmi Esaú yapay nirqan: <<Noqataqa ¿manaku juk bendicionlatapis qoykamankiman? Noqatapis bendicionta qoykalämay, papä>>. Sayno nirmi papäninta seqaypa waqaparqan.