Versículos bíblicos populares de Marcos 9

Partilhar

Kỹ tóg: “ã tỹ hẽ ri ken há nĩn kỹ, he tũg nĩ, inh mỹ. Ũ tỹ Topẽ ki rã mũ ẽn tỹ inh hẽ ri ken há han tĩ, nén kar tỹ,” he mũ.

Kỹ vẽsỹmér kyrũ panh tóg: “ti ki sóg rãnh mũ,” he mũ, jamã há ra. “Isỹ ti ki rã tũ ẽn tỹ inh ki tỹ tũ' hem nĩ,” he tóg.

Kỹ tóg ĩn kã ra rã mũ. Tá ti mré mũ tĩ ag tóg ti pin kỹ ti mỹ: “ẽg ne tóg ti tỹ há' he ja tũ nĩ'. Hẽ ri ken kỹ, hỹn?“ he mũ. Kỹ tóg: “vẽjagrẽ kórég tỹ ge kutẽm tóg jagy nĩ,” he mũ. “Topẽ mré ẽg vĩ tĩ, kỹ ẽg tóg vãkrég tĩ gé sir. Kỹ tóg vãhã kãkutẽ tĩ,” he tóg.

“Sa vỹ há nĩ. Hã ra ti kãhór nĩn kỹ tóg kórég nĩ, kỹ ẽg tỹ ne tỹ tỹ kajã' henh ke tóg tũ tĩ. Kỹ sa há ri ke nỹtĩm nĩ. Jagnẽ to krĩ kusa nỹtĩm nĩ,” he tóg.

“Gĩr tỹ ge ri ke nỹtĩm nĩ. Ãjag tỹ isugrĩn ũn sĩ to há nỹtĩn kỹ tóg inh mỹ há tĩ, kỹ ãjag tóg ũ tỹ ijẽnẽg mũ ẽn to há nỹtĩ gé sir. Tỹ ũn mág nĩ to ken hã vẽ,” he tóg.

“Sỹ ke há vẽ. Kejẽn ũ tóg ãjag mỹ, nén ũ sĩ ven mũ, goj hẽn ri ke mũn, ãjag tỹ tỹ inh mré ke nỹtĩ tugrĩn. Ẽn tóg vẽnh kato nén ũ há venh ke mũ gé, ha vem nĩ,” he tóg.

Kỹ tóg “ũn sĩ tag vỹ inh ki rã kỹ jẽ,” he mũ. “Kejẽn ũ tóg ti tỹ inh vĩ mranh han sór mũ. Ẽn jykre vỹ kórég tãvĩ nĩ. Ũ tỹ pó mág tỹ ẽn nunh to sa kỹ goj nig ki ti fón kỹ tóg há nĩnh mũ vẽ. Jagy tãvĩ tóg nĩ, ũ tỹ gĩr tỹ isovãnh han kỹ,” he tóg.

à tỹ nén ũ ki vẽ'ĩ to Topẽ vĩ mranh kỹ ã kanẽ tỹ nám kem nĩ, ã tỹ ke mãn tũ nĩ jé. Jagy ti nĩ, ã kyvó nĩ ti. Jãvo tóg há nĩ, ã tỹ Topẽ tỹ tỹ ẽg pã'i nĩ ven kỹ. à tỹ ã kanẽ régre ra nũgme ki kutẽn kỹ tóg jagy kãfór tĩnh mũ.