Versículos bíblicos populares de Marcos 16

Partilhar

Kỹ tóg ag mỹ: “ga kri mũ kỹ ẽmã kar mĩ vẽnh vĩ sér kãmén nĩ, Topẽ tỹ há kar ag mỹ,” he mũ.

“Ũ tỹ inh ki ge mũ ẽn ag vỹ milagre venh ke mũ, fag ke gé,” he tóg. “Vẽjagrẽ kórég pan jé ag tóg ke mũ, ijykre tỹ. Ũn vĩ ũ ag vĩ tó jé ag tóg ke mũ,” he tóg. “Ag tỹ kejẽn pỹn kãgmĩg mũ ra, veneno kron mũ ra tóg, ag tỹ hẽ ri kenh ke tũ nĩ,” he tóg. “Ũn kagyga ag mẽgmẽ jé ag tóg ke mũ gé, ag nĩgé tỹ, kỹ ag tóg sir krenkren ke mũ, fag ke gé“ he tóg.

“Ũ tỹ ãjag vĩ kri fig mũ ẽn ag vỹ krenkren ke mũ, fag ke gé, ũ tỹ inh ki ge kỹ kygpe kỹ nỹtĩ ẽn ag,” he tóg. “Hã ra ũ tỹ kri fig tũ ẽn vỹ kren ke tũ nĩ, ũ tỹ inh ki rã tũ ẽn,” he tóg.

Kỹ ti mré mũ tĩ ag tóg ẽmã kar mĩ mũ mũ sir. Vẽnh vĩ sér ẽn tugtó ag tóg mũ sir. Kỹ ẽg Senhor tóg ag tar han tĩ nĩ. Ag vĩ kóm tóg ẽg tỹ nén han vãnh ẽn hynhan mũ. Hã vẽ.

Kỹ kyrũ ẽn tóg fag mỹ: “vẽnh mỹ' he tũg,” he mũ. “Ãjag hỹn Jesus jãvãnh mũ, Nazaré tá ke ti, ag tỹ krunh to ũn sãg mũ ẽn ti. Rĩr ti jẽ nĩ, tag ki ti tũ nĩ ha. Ag tỹ ti fi jan hã vẽ ha,” he tóg.

Fag tỹ tá junjun mũ ra ti kej nĩfe tóg nor nĩ nĩ. Pó mág ẽn tóg tĩn kỹ nĩ nĩ. Kỹ fag tóg ti kej kã ra ge mũ sir. Kã táfag tóg kyrũ vég mũ. Kur kupri tu kỹ tóg ẽg pẽgja tá nĩ nĩ. Kỹ fag tóg ti kamẽg mũ.