Versículos bíblicos populares de Marcos 13

Partilhar

Vẽnh kar vỹ tóg ãjag to vĩ kónãn ke mũ gé, ijiji tugrĩn. Hã ra ũ tỹ isovãnh tũ pẽ ẽn kren ke vẽ,” he tóg.

Ãjag kanẽ nĩm nĩ, rinfig nỹtĩm nĩ. Topẽ mré vĩ, ãjag tỹ ti kurã ki kagtĩg nỹtĩn kỹ.

“Ag tỹ vãhã sir ãjag sigse kỹ, ãjag tỹ nén tónh ke mũ to jykrén tũg nĩ! Jatu nỹtĩm nĩ! Ag tỹ ãjag ki jẽmẽn kỹ Topẽ kuprĩg tóg ãjag mỹ tónh ke mũ. Ti vĩ hã tó jé ãjag tóg ke mũ. Ãjag tỹ tó tũ vẽ sir, ti tỹ tó vẽ sir,” he tóg.

Kanhkã vỹ tũ' henh ke mũ, ga ti ke gé. Jãvo inh vĩ vỹ tũ' henh ke tũ nĩ,” he tóg.

“Hã ra ũ pijé isỹ kurã kã kãtĩg mãn ke mũ ki kanhró nĩ', óra ki ke gé'. Topẽ tỹ jẽgnẽ jafã ag pijé ki kanhró nỹtĩ'. Inh pijé ki kanhró nĩ gé', isỹ tỹ Topẽ kósin ra. Ẽg jóg mág hã vỹ ti pin kỹ ki kanhró nĩ, kurã kã nén kutẽnh ke mũ ẽn ki.

“Vẽnh génh kãme mẽgmẽ jé ãjag tóg ke mũ, tag ki vẽnh génh ke to, kuvar há tá vẽnh génh to ke gé. To jũrũn ke tũg nĩ hã ra. Vẽnh génh enh ke vẽ. Hã ra kurã tỹ ẽgno to hã ke vẽ ver,” he tóg.

Hã kỹ sóg ãjag mỹ: “ãjag kanẽ nĩm nĩ,” he mũ gé. Ãjag pijé ti jun ke ki kanhró nỹtĩ', Hẽn ri ke mũn tóg kutyg ke ra jun mũ, hẽn ri ke mũn tóg kuty kuju ki jun mũ, hẽn ri ke mũn tóg galo kyr mũ ra jun mũ, hẽn ri ke mũn tóg kusãg ki jun mũ. “Vẽnh ki ẽmẽm nĩ, nũr tũg nĩ. Ãjag tỹ ijãvãnh tũ ra sóg jun mũ. Vẽnh kar mỹ sóg tó mũ, sỹ ãjag mỹ tó mũ tag, hã vỹ: vẽnh ki ẽmẽm nĩ, he mũ,” he tóg, Jesus ti.

“Nação ag tỹ jagnẽ kato tẽgtẽnh ke vẽ. Pã'i krẽm ke ag tỹ pã'i ũ krẽm ke ag to jũnh ke vẽ gé. Kỹ ga tỹ ragrag ke tỹ hẽn ri ke han ke vẽ gé, ẽmã tỹ hẽn ri ke ki. Vẽjẽn tỹ tũ' henh ke vẽ gé. Ãjag jagtar ke vẽnh ven vén vẽ ha,” he tóg.

Kỹ inh kãtĩg ke to hã povo kar vỹ inh vĩ sér mẽnh ke mũ,” he tóg.

“Cristo vỹ tỹ inh nĩ,” he jé ag tóg ke mũ, ijiji tó kỹ. Ũ tỹ hẽn ri ke ag tóg tag tónh mũ, kỹ ũ tỹ hẽn ri ke ag tóg ag vĩ kri nĩm ke mũ.

“Rẽngag nĩ. Ãjag jyvẽn tar han jé ag tóg ke mũ. Vẽnh kanhrãn jafã krẽm ag tóg ãjag mrãnmrãn ke mũ, isũgrĩn. Ãjag jé ag tóg prẽr ke mũ gé, pã'i mág tỹ ãjag ve jé, pã'i mág kar ti, ãjag tỹ ag mỹ inh vĩ tugtó jé.

Ón kỹ Cristo vỹ vẽnh venven ke mũ, ón kỹ Topẽ vĩ tó tĩ ag ke gé. Kỹ ag tóg ón kỹ milagre tỹ hẽn ri ke hynhan ke mũ. Ag tỹ vẽnh kar krĩn kónãn sór vẽ, Topẽ tỹ ũn kuprẽg ja ẽn ag mré hã, hẽn ri ke mũn.

“Hã ra kurã ẽn kã, vẽsỹrénh ẽn kar kỹ rã vỹ nhyr ke mũ, kỹ kysã vỹ jẽngrẽg mãn ke tũ nĩ gé. Kỹ krĩg vỹ vár ke mũ gé, kanhkã krẽm. Ẽg tỹ kanhkã tá nén vég tũ kar ẽn vỹ ragrag ke kãn mũ gé.