Versículos bíblicos populares de Màtay 6

Màtay 6:33

Bible Iyansi

Wɛɛ akà bɛ, bɛ tàlaleŋà imwol anà balàbal a Nzam, waa nde usàlakwɛy indiir abi byanswà.

Comparar

Explorar Màtay 6:33

Màtay 6:34

Bible Iyansi

Undiir awun, twon lan'sà nkyän ntɔn nkàswo, ntɔn nkàswo akyer asàlɔ̈ɔ̈n nde ŋakwo. Ilä a ilä kye anà ndaa a kya. »

Comparar

Explorar Màtay 6:34

Màtay 6:25

Bible Iyansi

« Undiir awun waa mɛ alakyään naa twon lan'man mpay ntɔn udii ndür abɛ, itàkal naa bɛ ya làsàbwää aben. Nkye mɔ̈ɔ̈ kà kan'söön isaa anki anà ndür kà yan'söön ipfɛy anki u ndöŋ?

Comparar

Explorar Màtay 6:25

Màtay 6:6

Bible Iyansi

Wɛɛ akà ngye, isàkal naa ngye akwen muyamà, bilà u suk angye alà ukwɛl, dübà ibeenà anà sà un'kaŋ a boo, yamà Taaràŋà awà kwo kà ikal a ngyee. Waa Taaràŋà awà afàman u nku, usafuur ya. »

Comparar

Explorar Màtay 6:6

Màtay 6:9-10

Bible Iyansi

Le bɛ, bɛ làyamà abà: "Taaràbi awà u du, wɛy ikɔb angye ikäl kyà in'kyɛɛl, wɛy Imwol angye iyi, wɛy ukwen angye bàmɛnà u mɛɛn asànaa abà ba u du.

Comparar

Explorar Màtay 6:9-10

Màtay 6:11

Bible Iyansi

Ipɛ ŋàbawà isaa byan'kwo akà bi.

Comparar

Explorar Màtay 6:11

Màtay 6:12

Bible Iyansi

Idwääl un'pi a nkul a man'be abi, asànaa bi ŋakwo sye ifàdwääl bi un'pi a nkul a baar bà ikyer ube.

Comparar

Explorar Màtay 6:12

Màtay 6:13

Bible Iyansi

Twon an'pà mbwo naa bà ilwɛb, anà ilwom kan'kɔɔ a Ŋandɛb. [ Ntɔn imwol, ngwal anà làkoo bye anà ngye. Yà abwɛy" ] »

Comparar

Explorar Màtay 6:13

Màtay 6:14

Bible Iyansi

« Undiir awun, bɛ làsàdwääl baar bumwɛy nkul a ibii aba, Taaràbɛ awà u du asàladwääl nkul abɛ sye.

Comparar

Explorar Màtay 6:14

Màtay 6:26

Bible Iyansi

Làler nɛn a du: ya ifàkɔn anki, ifàbwo anki anà ifàsà anki isaa uboo a ikɔr. Wɛɛ Taaràbɛ awà u du afàkyer adii! Nkye bɛ kà lan'söön ya anki u ndöŋ?

Comparar

Explorar Màtay 6:26

Màtay 6:19-21

Bible Iyansi

« Twon lan'köŋà in'naaŋ abɛ u mɛɛn pà, ikal a in'swab anà an'tär myàfàdwa mya myanswà, ikal bàfàbilà mbüüb ntɔn muyib. Wɛɛ akà bɛ, làköŋà in'naaŋ u du, ntɔn kwo itàkal nsɛɛl itàkal in'swab myàfàkwo anki mutay mya, ikal mpa bàfàbilà mbüüb anà mpa bàfàyib ba. Ntɔn ikal awà un'naaŋ angye, mpem angye sye isàkal kwo. »

Comparar

Explorar Màtay 6:19-21

Màtay 6:24

Bible Iyansi

« Mbuur mwɛy ukwe anki musyääl amfum abɔ̈ɔ̈l: taaŋ lumwɛy nde asàyiiŋ umwɛy anà asàkwen wumwɛy, taaŋ lumwɛy nde asàkàbääb a umwɛy anà asàbɛy wumwɛy. Bɛ, bɛ làkwe anki musyääl Nzam anà ngim taaŋ nsil la. »

Comparar

Explorar Màtay 6:24

Màtay 6:30

Bible Iyansi

Isàkal naa Nzam afàbwää abà iteerà a ywaŋ akye anà möö ŋàbawà anà bàyàtɔɔm u mbaa nkàswo, nkye nde usàkyer anki yàŋàsöön akà bɛ, bɛ aŋàlàkwikilà ikikye?

Comparar

Explorar Màtay 6:30

Màtay 6:3-4

Bible Iyansi

Wɛɛ akà ngye, mpal apà ngye undiir akà ŋàlàmbwà, wɛy kɔɔ angye likaar làkɔɔn ayöb ndaa làkyerà kɔɔ angye libaal. Abun, wɛy kab angye làkäl aŋàyee, waa Taaràŋà awà afàman u nku, usafuur la. »

Comparar

Explorar Màtay 6:3-4

Màtay 6:1

Bible Iyansi

« Twon lan'kyer balàbal abɛ u mii a baar, ntɔn ba bàlamɛn. Naa tɛy, bɛ bweel làsàwal anki akà Taaràbɛ awà u du.

Comparar

Explorar Màtay 6:1

Màtay 6:16-18

Bible Iyansi

« Mpal làkin bɛ isaa, twon lan'kal ngyɛb ngyɛb asànaa bàfàkyer baar a mpem yweel: ba bàfàsɔɔm ntabwey aba ntɔn baar bamɛn naa ba ban'kin isaa. Wɛɛ mɛ, mɛ alàkyään ndandaa naa ba bàkyàwal bweel aba itaan. Wɛɛ akà ngye, mpal akin ngye, sir may a usɔŋ kun'tswe angye, ywɛy ntabwey angye ntɔn baar bàkɔɔn ayöb naa ngye an'kin udyà, wɛɛ Taaràŋà mpɛl awà u nku. Waa Taaràŋà awà afàyöb ndaa afàkyer ngye u nku, usafuur ya. »

Comparar

Explorar Màtay 6:16-18

Versículos bíblicos populares de Màtay 6Partilhar

Planos de Leitura e Devocionais gratuitos relacionados com Màtay 6

Versículos bíblicos populares de Màtay 6