Versículos bíblicos populares de متّی 5

Partilhar

تے ڈیوا بال تے تھاں دے تلے نئیں بلکہ ڈیواٹ اُتے رکھیندے ہِن، تاں اُوندے تُوں گھر دے سبھ لوکاں کُوں روشنی پُجدی ہے۔ اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

تُساں دُنیا دا نُور ہیوے۔ جیہڑا شہر پہاڑ اُتے وسیا ہے او لُک نئیں سگدا۔

مُبارک ہِن او جیہڑے پاک دل ہِن، کیوں جو او خُدا کُوں ڈیکھسن۔

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

پر مَیں تُہاکُوں ایہ آدھا ہاں جو آپنڑے دُشمنڑاں نال محبت رکھو، تے جیہڑے تُہاکُوں سَتیندے ہِن اُنہاں کیتے دُعا کرو۔

”مُبارک ہِن او جیہڑے دل دے غریب ہِن، کیوں جو اسمان دی بادشاہی اُونہی دی ہے۔

مُبارک ہِن او جیہڑے صُلح کرویندے ہِن، کیوں جو او خُدا دے پوتر اکھویسن۔

مُبارک ہِن او جیہڑے ڈُکھی ہِن، کیوں جو او تسلی پیسن۔

مُبارک ہِن او جیہڑے راستبازی دے سببّوں ستائے گئے ہِن، کیوں جو اسمان دی بادشاہی اُونہی دی ہے۔

مُبارک ہِن او جیہڑے رحم دل ہِن، کیوں جو اُنہاں اُتے رحم کیتا ویسی۔

مُبارک ہوسو تُساں جِیں ویلے لوک تُہاکُوں میڈے سببّوں لعن طعن کریسن تے طرحاں طرحاں دے بُرے گالھیں تُہاڈے بارے ءچ نا حق اکھیسن۔ خوش تھیوائے تے جشن منائے کیوں جو اسمان اُتے تُہاکُوں وڈا اجر مِلسی، اِیں واسطے جو لوکاں تُہاڈے تُوں پہلے نبیاں کُوں وی اِینویں ای ستایا ہا۔

مُبارک ہِن او جیہڑے حلیم ہِن، کیوں جو او زمین دے وارث ہوسن۔

تُساں زمین دے نمک ہیوے، پر جے نمک دا مزہ ویندا راہوے تاں او کیہڑی چیز نال نمکین کیتا ویسی؟ وَل او کہیں کم دا نئیں سوائے اِیندے جو باہر سَٹ ڈِتا ونجے تے لوکاں دے پیراں تلے لتاڑیا ونجے۔

بس تُساں کامِل بنڑو جِینویں تُہاڈا اسمانی باپ کامِل ہے۔“

اِیں واسطے ہاں دی جاہ ’ہاں‘ تے نہ دی جاہ ’نہ‘ آکھو کیوں جو جیہڑا اِیں کنُوں زیادہ ہے او ابلیس کنُوں ہے۔

تُساں سُنڑ چُکے ہیوے جو آکھیا گِیا ہا جو ’اکھ دے بدلے اکھ تے ڈند دے بدلے ڈند۔‘ پر مَیں تُہاکُوں ایہ آدھا ہاں جو شریر دا مُقابلہ نہ کرائے بلکہ جیہڑا کوئی تیڈی سجی گَلھ اُتے چاٹ مارے تاں ڈُوجھی وی اُوندے پاسے کر گِھن۔

بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔ تے جے تیڈا سجا ہتھ تَیں کنُوں گُناہ کراوے تاں اُونکُوں کپ سَٹ۔ کیوں جو تیڈے کیتے اِیہو چنگا ہے جو تیڈے سارے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔