Versículos bíblicos populares de یُوحنّا 5

Partilhar

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

یسُوع اُونکُوں اُتھاں پِیا ڈِٹھا تے جاݨ گِھدا جو او بہُوں عرصے کنُوں اِیں حالت ءچ ہے تاں اُوں کنُوں پُچھیا، ”کیا تُوں شِفا پاوݨ چاہندیں؟“

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے، وَل وی تُساں زندگی پاوݨ کیتے میڈے کولھ نئیں آوݨ چاہندے۔

یسُوع اُونکُوں آکھیا، ”اُٹھی تے آپنڑا بسترا چا تے ٹُر پِھر۔“ او بندہ فوراً ٹھیک تھی گِیا تے آپنڑی کَھٹ چا تے ٹُرݨ پِھرݨ لگا۔ او سبت دا ڈینہہ ہا۔

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔