Versículos bíblicos populares de लूका 8

Partilhar

पर आछिया ज़मिन्‍ना पर पड़णैं आळे बीज वो है, जो वचनैं कु सुणीकना उसकु सच्‍चे अर आच्छे मना थ साम्ही राखते हैं, जो सबर राखते अर आच्छा फळ ल्यावते हैं।

जो बीज झिड़ियैं म पड़े हैं, वो ये हैं, जो सुणतै हैं, पर वचनैं पर चालतै-चालतै चिन्ता अर धन अर जिन्दगिया के सुख उनकु दबाई लेत्‍ते हैं, अर वो फळ नाही ल्यावैं।

अर पथरैं म पड़ोड़े बीज वो हैं, जो वचनैं कु सुणीकना खुशिया थ मान्‍नी भी लेत्‍ते हैं, पर मना म ना बसणैं किया वजाह थ थोड़ी ही देर विश्वास करते हैं, अर परखतिया हाणी विश्वास्सा थ हटी जात्‍ते हैं।

पिछैं यीशुऐं उनथै कैहया, “थारा विश्वास कड़ै थिया?” पर वो डरी गये अर हैरान होई आपसरीया म कैहणैं लाग्गी गये, “या कोण है, जो हवा अर पाणिया कु हुकम देत्‍ता है, अर वो इसकी मानते हैं?”

अर रस्ते के किनारे के बीज वो लोक हैं, जिनु परमेश्वरा का वचन सुणया, पर शैतान्‍नै आइकना उनके मनैं माहला वचन काढ्ढी लिया, ताकी वो विश्वास ना करैं अर ना उद्धार पाँवैं।

“काइं भी कोइन छपया जो साम्है कोइ ल्याया जावै, अर ऐस्सा कोइ भी राज़ कोइन जिस्का पता कोइ लाग्गै अर साम्है ना ल्याया जावै।

अर जिद उस औरता कु एहसास होया कि हूँ छपी नाही सकैं, तो वो डरतोड़ी आई, अर उसके पाँवैं म पड़ी गई, अर उनु सारैं के बिच्‍चा म बताया कि उनु यीशुआ कु कि हाथ लगाया, अर किदा वो उसी वक्‍त सूल होई गयी। यीशुऐं उसथै कैहया, “जा बेट्टी तेरे विश्वास्सैं चिकु आच्छी करी दी, अराम्मा थ चली जा।”

पिछैं, चेल्‍लैं उसकै धौरै आइकना उसकु जगाई कैहया, “हे गुरू! हे गुरू! हम मरया करते हाँ।” पिछैं यीशुऐं उठ्ठिकना आँधिया अर पाणिया किया लैहरैं कु झिड़क्या अर वो रुकि गये अर सारा काइं शाँत होई गया।