Versículos bíblicos populares de Lukas 14

Partilhar

“Lobuw mokiwowaid so Aku, subai osamod po s'Aku ko' ino amo niyo, kosusulodan niyo, anak sawo niyo, om iyo kondiri. Bang okon ko soko ono, dai iyo ourug nu mompomaid Ku.

Isai dai olila' monimban nu salib niyo, ono yo tumaan sumonsara' so' poimaid so Aku, om maid nai' so Aku, dai ourug nu mompomaid Ku.

Isai musimpangkat, poboba'on nu Kinoringan, om isai musimbaba', popongkaton nu Kinoringan,” koo si Yisus.

Soko ono ya pudi kou. D'ado ido so kou kowaid so Aku, ong dai ya powiliw nu onu-onu nosongapan niyo,” koo si Yisus.

Bang mokipopomuwaloi ido lobuw, mongiro-kiro po laid iyo ong komuro siin opakai, su' oilaan niyo nu kouma' ya ka siin niyo no ko' dai. So' bang kolandu om dai ya oopod, oyak-oyakan sono iyo nu lobuw, maid nu mutangar nu, ‘Lobuw oono monimpuun-a nu waloi, nga dai ya oopod niyo,’ koo.

Nga bang monogina ko nu lobuw nu mongokan-ngokan, ono su soginaan mu lobuw omiskin om d'ado onu-onu ooyangan nisuli' so ikau pookan. Soginaa yo lobuw kakung, bolou om kimai. Bang soko ono waalon mu, borokatan ko nu Kinoringan, so' lobuw oono dai kosuli' nu koworongan mu no. Suli'an-a nu Kinoringan koworongan mu no iya nu pongoluli'an-o Niyo nu lobuw poimaid kiat so pinotoyan,” koo si Yisus.

Mutongaro po si Yisus nu, “Asin-o sobana ko kikosudaan, nga, bang malo yo, dai yo sono mongot koimbagu, om d'ado yo kosudaan pudi nibaja so tonoman. Indadi owarong ong iada' ya. Bang kitolingo kou ya, rongowo muyu yo,” koo si Yisus.