Versículos bíblicos populares de Génesis 9

Partilhar

Te seña trato cu'un ya me cac' sbajt'el q'uinal ta atojolic soc spisil te chambalametique: ya cac' ta stocalil ch'ulchan te arco iris cu'un. Ja' me seña ya xc'ot te trato la calbeyex ta apisilic te ayex ta sba te balumilale.

C'alal ya xchicnaj te arco iris ta yolil tocal, ya me quil soc jich me ya jna' te trato calojbey ta stojol spisil bitic cuxajtic te ayic ta balumilale.

Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Ja' me ya awe'elinic spisil bitic cuxajtic te ya xbeenique, ja' nix jich te boc-itaje. Spisil cac'ojbeyex awe'elinic.

Ya me xnijq'uic yu'un xiwel ta atojolic spisil chambalametic ayic ta q'uinal. Ac'bilex me ta ac'abic spisil mutetic ayic ta sjamalul ch'ulchan, soc spisil bitic cuxajtic ta balumilal, soc spisil chayetic ayic ta ja'.

Jich yu'un, esmajanic bayal, nojesaic te balumilale —xi' te Diose.