Versículos bíblicos populares de Yohana 6

Partilhar

Isa do vɛɛ ai yɛ: «Ǹe le niimaya bulu le. Ni mɔɔ mɔɔ si ka na m̀ ma, kɔɔn tɛnala wo tii minala butu. Ni mɔɔ mɔɔ do ka limaniya m̀ ma, minkɛlɔɔ tɛnala wo tii minala butu.

Nii Sɛnɛyanin ne yi niimaya dila, niwotɛ adamaden fanga tɛ foi ɲia. Ǹ na kuma minu fɔla ài yɛ, wolu bɔnin Nii Sɛnɛyanin ne lɔ, ai do yi niimaya dila.

Ài kà baale kɛ dɔnnifenko lɔ min yi tolinna, mafɔ min yi mɛnna ka niimaya banbali di, Mɔɔnivin Tanin kɛtɔ min dila ài ma, kamasɔlɔn mɔ Fa Ala vɛ aa seetiiya tɔɔmase bila a kan.»

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Isa do k'ai javi, a vɛɛ: «Ala ya baale le min ne: Ka limaniya aa mɔɔ kelayanin ma.»

Ǹ Fa vɛ mɔɔ minu dila m̀ ma, wolu bɛ natɔle m̀ ma. Ni mɔɔ mɔɔ do ka na m̀ ma, ǹ tɛnala wo tii gbɛnna feu.

Simɔn Piyɛli k'a javi, a vɛɛ: «Ǹ Kuntii, m'i taa jene kɔ ni ile tɛ? Niimaya banbali kumalu yi ile le bolo.

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Mɔɔ suu suu tɛ se nala m̀ ma, ni ǹ Fa min na ǹ kelayala, ni ale ma wo tii masama k'a lana m̀ ma. Ǹe do kɛtɔ wo tii lawulila ka bɔ saya lɔ dunuɲa laban lon.

Kamasɔlɔn min jiinin ka bɔ haijɛnɛ, ale le Ala ya bulu le, wo le do yi niimaya dila dunuɲa ma.»

Ǹe le niimaya bulu le.

Isa ka bulu wolu ta, ka balika bɔ Ala yɛ, ka ban k'a lɔtala mɔɔ siininnu wotɛ. A ka jɛɛni fila kɛ wo boloɲa kelen ne ma. Mɔɔ bɛ ka bulu ni jɛɛ sɔlɔn fɔɔ k'ai wasa. Mɔɔlu ka dɔnni kɛ k'i fa mingɛ, Isa vɛɛ a kɔbiladennu yɛ: «Ài yi bulu ni jɛɛ kulunkulun tɔlu ladɛn, fɔsa a dɔ kana tiɲa.»

Ai ka kilo loolu niwotɛ wɔɔlɔ jate kɛ kulun bɔlila waate min nɔ, ai ka Isa taamantɔla ye kɔɔ kɔkan, a v'i madonna kulun na. Wo lɔ, ai bɛ ka siyan. Kɛɛ Isa do vɛɛ ai yɛ: «Ài kà siyan, ǹe le.»