Versículos bíblicos populares de MARCOS 9

Partilhar

Jesús aipo e'i chupe: –¿Ma'erä ‘ereikatuse ere cheu’? ¡Opakatu che reroyasar upe yaposa ite mba'e avɨye va'e!

Evokoiyase chi'ïvä'e yesupa säse pirätä: –Che orovɨroya ite. ¡Che pɨtɨ̇vɨï eve nde reroya katu agwä!

Ichui Jesús oike ñepëi oɨ pɨpe, ipare semimbo'e eta oporandu a'e ae yuvɨrekoise chupe: –¿Ma'erä pi'ä ndoromosë katui ete karugwar ichui? Ipare Jesús omboyevɨ chupe: –Ko nungar karugwar yaikatu senose yeruresa pɨpe ñoite yepi.

Sese yukrɨ avɨyeai ete; nase'ë irise rumo, ¿ndayaikatui chira imoe'ë iri agwä? Peiko katu yukrɨ nungar mba'e tuprɨ pɨpe peyeupe narä.”

–Akoi ava oipɨsɨ va'e ko chi'ïvä'emi nungar che rer pɨpe sereko, che ite che pɨsɨ yuvɨreko; iyavei akoi ava che pɨsɨ va'e, nda'ei che gweraño che pɨsɨ, oipɨsɨ aveira che mbousar.

Akoi omondo va'e ñepëi ɨgwa rɨru pɨpe ɨ Cristo sui perekose yuvɨreko peü, evokoi nungar oipɨsɨ itera porerekosa oyeupe narä.

“Akoi ava omboangaipa uka va'e ko chi'ïvä'emi nungar che reroyasar, iyakatu evokoi nungar ñapɨ̇chisa ita mba'e mboku'isa iyesɨ'o rese paragwasu pɨpe imombo agwä.

Pe resa avei pe mboangaipa ukase, penose ite peyesui; esepia avɨye katu peike ñepëi pe resa rese Tüpä mborerekwasave ñuvɨrïo pe resa rese tata gwasu apɨre'ɨ̇save pe reike rägwer sui.