Versículos bíblicos populares de লূক 14

Partilhar

“যাসুউ ঙা বাদুঃ লাঃফুলি, য়াংসুউচা কুও আমিঃ-আঃফা, সাঃ-সিমিং, ঞিং-আকু প্রফুছুগি কুগোকু তয়ং ঙাথাক আনৈং খ্যতি তুওয়করাফু। প্রচা পুয়েং মফ্রনৈংছুগি, য়াংসুউ ঙাক তিবি মফ্রনৈংমু।

যা লুঃউ কুও থুঃউখেচা তইংগো রুওকরো, ঙা নক্কা মাঃলানৈং, য়াংসুউ ঙা তিবি মফ্রনৈং।

যাসু কোগো আগ্রি তুওয়কতিলি, য়াংসুউগো অক খ্যাফু অর যাসু কোগো লুঃউ মুহুক তুওয়কতিলি, য়াংসুউগো আগ্রিই প্যাংফু।”

আতুংমা যীশু প্রলিইরি, “য়াংপুয়েং কুবাংরো আতুওয়ংগা খ্যাংসুউমুছু চেংজা-ছাংখ্রাং প্যাংরো, আলুংচা বৈরো মাঃলাগি, য়াংসুউ ঙাক তিবি মফ্রনৈং।

“কুবাংরো আতুওয়ংমা, খ্যাংসুমুছু আম্রাং ইং তছং লূকখ্যাংরিছুগি, য়াংসুউ হ্রিইগা থৈংরো টেংগা মন্হক লুফুলি খেতিসি। য়াংসুউ ক্রিখ্যাংরিচাগা, ইং তিব্রি য়াংসুউমা টেংগা হিরি লঃ মিহি লঃ। য়জংমুহুকি, য়াংসুউ তইং রেঃপ্রিনক য়াং আম্রাং ইংগো লূকরো মুতুংনৈংছুগি, য়াংখা যাসুরো ম্রাংফু, য়াংসুউরো আলুংসুউ য়াংসুউগো আরি-আসুয়েং প্রুক্কেফু। য়াংসুউরো প্রগেফুচাগা, ‘দিঃ লুঃউচা চাগাঃচারি য়িগিলি মুতুংনৈংলি।’

ছুগি কুবাং যাখা আচা-আসক হ্লুউফুলি য়াংখা ছাংরিসা, আকিই, আকেইং অর আনুনগেরোগো খলিই। য়জংছুগি কুবাংচা থাওরা ফুরা ছুককো রামি আক্রংগা কুঃবাং পাংচাকো য়াংসুউরো মাছেনৈং মুহুক। যাখা আসিই লুঃউরোগা, আপ্রইমিহি লুঃউরোগো আহ্রাং প্যাংরো থুঃউফু য়াংখা কুঃবাং য়াং আক্যুওগো রাঃমি।”

“ছাঃ আকং পৈচি ফ্রৈতি, য়জং ছোগেলেঃ য়াং ছাঃমা আঙাই প্রে লাঃখারিছুগি যাপুয়েং প্যাংরো আঙাইং আরাঃসাগো প্রাইংলো রান্হৈংমেলেঃ? য়াংখা য়াংচা কেইংফা কিজুতয়ং থঃমেতেংব্যা অর হাংগিঃমা থিঃফুলি থঃমেতেংব্যা। লুঃউরো য়াংচাগো বৈতিব্যা। যাসুউমা নাথংফু নাঃ হিকরিলি, য়াংসুউ নাঃথংবেচি।”